Ўзбекистон Республикаси Вазирлар Маҳкамасининг 2017 йил 15 мартдаги «Умумий ўрта таълим тўғрисидаги низомни тасдиқлаш тўғрисида» 140-сонли қарори ижросини таъминлаш, тумандаги барча умумий ўрта таълим мактабларига мактаб ёшидаги болаларни тўлиқ қамраб олиш жараёнида умумтаълим муассасаларига бириктирилган ҳудудлар (микроҳудуд)ни аниқ белгилаб олиш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонуннинг 6 ва 25-моддаларига асосан, қарор қиламан:

1. Қамаши туманида мактаб ёшидаги болаларни умумий ўрта таълимга тўлиқ қамраб олиш бўйича умумтаълим муассасаларига бириктирилган ҳудудлар (микроҳудуд) рўйхати иловага асосан тасдиқлансин.

2. Туман ҳокимлиги (Б. Ҳайдаров), туман Мактабгача ва мактаб таълими бўлими (А. Юлдошев), тумандаги умумтаълим муассасалари раҳбарлари зиммасига мактаб ёшидаги болаларни умумий ўрта таълимга тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш вазифаси топширилсин.

3. Тумандаги умумтаълим муассасалар раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисоблансин.

4. Тумандаги ўқувчи сони қувватига нисбатан ортиб кетиб, коэффициенти юқори бўлган умумий ўрта таълим мактабларига 2026-2027 ўқув йилидан бошлаб 1-синф учун туман ҳокимининг мазкур қарори билан бириктирилган микроҳудудлардан бошқа ҳудудларда истиқомат қилувчи мактаб ёшидаги болаларни қабул қилинмаслиги белгилансин.

5. Мазкур қарор «Қамаши» газетасида расмий эълон қилинсин ва ҳокимликнинг расмий веб-сайтига жойлаштирилсин.

6. Мазкур қарор қабул қилиниши муносабати билан Қамаши туман ҳокимининг 2024 йил 30 майдаги «Қамаши туманида мактаб ёшидаги болаларни умумий ўрта таълимга тўлиқ қамраб олиш юзасидан тумандаги умумтаълим муассасаларининг микроҳудудларини белгилаш тўғрисида» 174-4-58-Қ/24-сонли қарори ўз кучини йўқотган деб ҳисоблансин.

7. Ушбу қарорнинг бажарилишини назорат қилиш туман ҳокимининг ўринбосари Б. Ҳайдаров зиммасига юклатилсин.