LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
G‘arbda ishlab chiqarilgan samolyotlarga xizmat ko‘rsatishga doir yangi texnologiya jarayonlarini ildamlik bilan o‘zlashtirish va investitsiya loyihasi amalga oshirilishi ikkinchi bosqichini tugallash bo‘yicha “Uzbekistan airways technics” avia korxonasi tomonidan ko‘rsatilayotgan xizmatlar ro‘yxatini D-Chock (og‘ir bazaviy xizmat ko‘rsatish, ta’mirlash)gacha kengaytirish maqsadida Vazirlar Mahkamasi qaror qiladi:
1. G‘arbda ishlab chiqarilgan samolyotlarga texnik xizmat ko‘rsatish markazini tashkil etish loyihasini amalga oshirishning ikkinchi bosqichi bo‘yicha O‘zbekiston Respublikasi Tashqi iqtisodiy faoliyat milliy banki tomonidan “DZ BANK” kreditor bank tanlov asosida aniqlanganligi va qarz bitimi tuzilganligi ma’lumot uchun qabul qilinsin.
2. “O‘zbekiston havo yo‘llari” milliy aviakompaniyasining “Gidro-Geratebau” kompaniyasi bilan tuzilgan kontraktning umumiy qiymatini 620,0 ming AQSh dollari summasiga kamaytirish va ko‘rsatib o‘tilgan summani bo‘yoqchilik angarini va kolibrlash stansiyasini zamonaviylashtirish va jihozlash, dok asbob-uskunalari sotib olish uchun “Lyuftganza Texnik AG” kompaniyasi bilan tuzilgan kontraktga ko‘chirish to‘g‘risidagi taklifiga rozilik berilsin.
3. Vazirlar Mahkamasining “G‘arbda ishlab chiqarilgan samolyotlarga texnik xizmat ko‘rsatish markazini tashkil etish bo‘yicha loyihaning ikkinchi bosqichini amalga oshirish chora-tadbirlari to‘g‘risida” 2003-yil 19-maydagi 224-son qarorining 2-bandi uchinchi xatboshida “4008,57” raqamlari “4628,57” raqamlari bilan, “1516,43” raqamlari “896,43” raqamlari bilan almashtirilsin.
4. Loyihani amalga oshirish bosqichlari tuzilmasi o‘zgarganligini hisobga olib “O‘zbekiston havo yo‘llari” milliy aviakompaniyasi loyihaning uchinchi bosqichini amalga oshirishga tayyorgarlik ko‘rishda belgilangan tartibda tasdiqlash uchun texnik-iqtisodiy asoslarga tegishli tuzatishlar kiritsin.