Фарғона вилояти ҳокимлиги ҳузуридаги Географик объектларни номлаш ва қайта номлаш масалалари бўйича комиссиянинг 2024 йил 31 июлдаги 06-7/2624-сонли мурожаатномаси ҳамда унда кўрсатилган Данғара тумани комиссияларининг 1 та географик объект — «Шодлик» маҳалла фуқаролар йиғини номини ўзгартириш бўйича таклифи эксперт комиссияси томонидан ҳар томонлама ўрганиб чиқилди.

Ўрганиш жараёнида маҳалла номининг тарихий, маданий ва маънавий жиҳатдан ҳудуд аҳолиси ҳаёти ҳамда қадриятларига мослиги, шунингдек, «Қирқлар» номининг мазкур ҳудуд тарихи ва қадимий номлар тизимида алоҳида ўрин тутиши инобатга олинди. Тегишли қонун ҳужжатлари талаблари асосида ўтказилган таҳлил натижаларига кўра, эксперт комиссияси маҳалла номини «Шодлик»дан «Қирқлар»га ўзгартириш мақсадга мувофиқ деган хулоса чиқарган. Шундан келиб чиқиб, халқ депутатлари Данғара туман Кенгаши қарорқилади:

1. Фарғона вилояти ҳокимлиги ҳузуридаги Географик объектларни номлаш ва қайта номлаш масалалари бўйича эксперт комиссиясининг 2024 йил 19 августдаги 05-19-01-3312-сонли хулосаси маълумот учун қабул қилинсин.

2. Эксперт комиссияси хулосасига мувофиқ, Данғара тумани «Шодлик» маҳалла фуқаролар йиғини номи қонун ҳужжатларига асосан «Қирқлар» номи билан қайта номлансин.

3. Мазкур қарорнинг тасдиқланиши халқ депутатлари Данғара туман Кенгашидан сўралсин.

4. Қарор ижросини назорат қилиш туман ҳокимининг ўринбосари, маҳаллий Кенгаш масъуллари ҳамда тегишли ташкилот раҳбарларига юклатилсин.