Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарорининг 1-бандининг иккинчи хатбошига асосан Қуйи Чирчиқ туманида Сув етказиб бериш хизмати давлат муассасаси ташкил этилган. Эндиликда Ирригация ва мелиорация бўлими фаолиятини Қуйи Чирчиқ тумани Сув етказиб бериш хизмати давлат муассасаси тумандаги барча турдаги қишлоқ хўжалиги сув истеъмолчиларига сув етказиб бериш ҳамда фойдаланилган сув истеъмоли бўйича солиқ органларига сув солиғи ҳисоблаш учун маълумотларни бериб бормоқда.

Бундан ташқари Ўзбекистон Республикаси Вазирлар Маҳкамасининг 2024 йил 9 февралдаги «Сув етказиб бериш хизмати» давлат муассасалари фаолиятини ташкил этиш чора-тадбирлари тўғрисида»ги 79-сонли қарорида кўрсатиб ўтилган яъни:

сув хўжалиги ташкилотлари томонидан қишлоқ хўжалиги маҳсулотларини ишлаб чиқарувчиларга сув етказиб бериш хизматлари учун тўловлар бекор қилинганлиги;

белгиланган лимитлар асосида сув истеъмолчиларига сув етказиб беришлиги;

ўзига бириктирилган ҳудудда сувнинг ҳисобини ва ҳисоботини юритишлиги;

суғориш тармоқлари ва улардаги гидротехник иншоотларни ҳимоя зоналари билан биргаликда соз ҳолатда сақлаш, таъмирлаш-тиклаш ишларини амалга ошириши;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориши;

сув истеъмолчиларининг буюртманомаси асосида бошқа сув хўжалиги хизматларини амалга ошириши кўрсатилган.

Ўзбекистон Республикаси Президентининг ПҚ-5-сонли қарори 6-бандида:

истеъмол қилинган сув миқдори ҳисобини юритмаган (юритишдан бош тортган) қишлоқ хўжалиги маҳсулотлари ишлаб чиқарувчилари учун сув солиғи базаси халқ депутатлари туман Кенгашлари томонидан тасдиқланган лимитларга нисбатан икки баробар оширилган ҳолда ҳисобланиши;

2025 йилдан бошлаб:

сувни тежамкор суғориш технологиялари жорий қилганда ҳамда суғориш учун олинган сув ҳажми сув ўлчаш ускуналари асосида аниқланганда сув солиғи ставкасига 0,5 камайтирувчи коеффициент қўлланилиши;

сувни тежамкор суғориш технологиялари жорий қилганда ёки суғориш учун олинган сув ҳажми сув ўлчаш ускуналари асосида аниқланганда сув солиғи ставкасига 0,7 камайтирувчи коеффициент қўлланилиши;

балиқчилик учун олинган сув ҳажми сув ўлчаш ускуналари асосида аниқланганда сув солиғи ставкасига 0,7 камайтирувчи коеффициент қўлланилиши белгиланган.

Юқоридаги қарорлар ижросини таъминлаш мақсадида 2025 йил ҳосили вегетация даврига тумандаги жами 245 та қишлоқ хўжалиги сув истемолчилари ва бошқа сув истеъмолчилари учун чекланган сув истеъмоли лимити ишлаб чиқилди. Ушбу лимит 3та илова кўринишида Халқ депутатлари Қуйи Чирчиқ туман Кенгаши сессиясига жамоатчилик фикри асосида тасдиқлаш учун киритилган. 2025 йил ҳосили учун ишлаб чиқилган сув истеъмоли лимити халқ депутатлари Қуйи Чирчиқ туман Кенгашининг 2025 йилнинг 3 июнидаги ВИИ-12-56-10-140-К/25-сон сессияси қарори билан тасдиқланган.

Ушбу қарор бўйича туманда белгиланган лимит доирасида режалаштирилган экинларга ўз вақтида суғориш учун сув етказиб берилган.

Жумладан ғалла, пахта, шоли, макка, донли экинлар, озуқабоб экинлар, боғ-токзорлар ва балиқчилик хўжаликларига тенг тақсимлаб берилган.

Жорий йилнинг ёзги суғориш даври учун жами 314,1 млн м³ сув етказиб бериш режалаштирилган бўлиб, амалда;

апрель ойи учун 51,8 млн. м³

май ойи учун 57,7 млн. м³

июнь ойи учун 59,4 млн. м³

июль ойи учун 60,8 млн. м³

август ойи учун 48,2 млн. м³

сентябр ойи учун 38,4 млн. м^3. режага нисбатан 100,7% сув суғориш учун етказиб берилган.

Булардан ёналишлари бўйича:

экинларни суғоришга 238,4 млн м³

балиқчиликка 77,3 млн м³

саноат учун 0,6 млн м³ сув истеъмол қилиш учун етказиб берилган.

2025-2026 йилларнинг новегетация даври учун вилоят ҳавза бошқармасидан экинларни суғориш учун чекланган сув миқдори лимити тасдиқланган. Ушбу тасдиқланган лимит бўйича Қуйи Чирчиқ тумани учун жами 61,6 млн .м³ этиб белгиланган. Жумладан;

экинларни суғоришга 38,4 млн м³

балиқчиликка 22,8 млн м³

саноат учун 0,4 млн м³ .

Ушбу лимит доирасида худудлар кесимида фермер хўжаликларнинг ер майдони ва экин туридан келиб чиқиб сув лимитлари тақсимланган.

Жумлада:

Пахтачи худуди майдони 4322 га, фермер ва сув истеъмолчилари сони 23 та.

Мехнатобод худуди майдони 3765 га, фермер ва сув истеъмолчилари сони 8 та.

Дўстлик худуди майдони 2529 га, фермер ва сув истеъмолчилари сони 11 та.

Юлдуз худуди майдони 1024 га, фермер ва сув истеъмолчилари сони 9 та.

Ўжакент худуди майдони 2404 га, фермер ва сув истеъмолчилари сони 2 та.

Абай худуди майдони 6263 га, фермер ва сув истеъмолчилари сони 45 та.

Ўзбекистон худуди майдони 7013 га, фермер ва сув истеъмолчилари сони 17 та.

Тошовул худуди майдони 2304 га, фермер ва сув истеъмолчилари сони 15 та.

Отажонов худуди майдони 2590 га, фермер ва сув истеъмолчилари сони 63 та.

Улуғбек худуди майдони 2727 га, фермер ва сув истеъмолчилари сони 12 та.

Гулистон худуди майдони 2417 га, фермер ва сув истеъмолчилари сони 2 та.

Янги Хаёт худуди майдони 3400 га, фермер ва сув истеъмолчилари сони 11 та.

Беруний худуди майдони 4237 га, фермер ва сув истеъмолчилари сони 16 та.

Хамза худуди майдони 2068 га, фермер ва сув истеъмолчилари сони 1 та.

Навоий худуди майдони 2880 га, фермер ва сув истеъмолчилари сони 10 та.

Жами суғорадиган экин ва балиқчилик ховузлари майдони 49940 га.

Жами фермерлар ва сув истеъмолчилар сони 245 та.

Қуйи Чирчиқ тумани бўйича 2025-2026 йилларнинг носуғориш мавсумига талаб этиладиган сув миқдори-61,6 млн м³.

Юқоридагилардан келиб чиқиб, Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарори ижросини таъминлаш ҳамда 2025-2026 йилларнинг новегетация даврига экинларни суғориш учун чекланган сув миқдори лимитини тасдиқлаш юзасидан Қуйи Чирчиқ туман «Сув етказиб бериш хизмати» ДМ раҳбари Ж.Ташмуҳамедовнинг ҳисоботини тинглаб, Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарорининг 4-бандига мувофиқ, Халқ депутатлари Қуйи Чирчиқ туман Кенгаши қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарори ижросини таъминлаш ҳамда 2025-2026 йилларнинг новегетация даврига экинларни суғориш учун чекланган сув миқдори лимитини тасдиқлаш юзасидан Қуйи Чирчиқ тумани Сув етказиб бериш хизмати давлат муассасасининг раҳбари Ж. Ташмуҳамедовнинг ҳисоботи маълумот учун қабул қилинсин.

2. Туман ҳокимининг қишлоқ ва сув хўжалиги масалалари бўйича ўринбосари — туман қишлоқ хўжалиги бўлими бошлиғи Т. Саитмурадов ва Қуйи Чирчиқ туман «Сув етказиб бериш хизмати» давлат муассасасининг раҳбари Ж. Ташмуҳамедовга:

Ўзбекистон Республикаси Президентининг 2024 йил 5-яанвардаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарори 3-бандига асосан:

белгиланган лимитлар асосида истеъмолчиларга сув етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини кўрсатиш вазифалари юклатилсин.

3. Қуйи Чирчиқ тумани "Сув етказиб бериш хизмати" ДМ бирламчи сувдан фойдаланувчиларга 2025-2026 йиллар носуғориш мавсумига ажратилган чекланган сув микдори (ЛИМИТ) 1-иловага мувофиқ тасдиқлансин.

Қуйи Чирчиқ тумани "Сув етказиб бериш хизмати" ДМ бирламчи сувдан фойдаланувчиларга 2025-2026 йиллар носуғориш мавсумига каналлардан ажратилган чекланган сув микдори (ЛИМИТ) 2-иловага мувофиқ тасдиқлансин.

Қуйи Чирчиқ тумани худудлар бўйича 2025-2026 йилларда новегетация даври учун истеъмолчилар кесимида сув олиш лимити 3-иловага мувофиқ тасдиқлансин.

4. Мазкур қарор ижросини назорат қилиш Аграр, қурилиш, коммунал соҳалар, экология, саноат ва траспорт масалалари бўйича доимий комиссиси (Б. Абдураимов)га, ижросини таъминлаш туман ҳокимининг қишлоқ ва сув хўжалиги масалалари бўйича ўринбосари — туман қишлоқ хўжалиги бўлими бошлиғи Т. Саитмурадов зиммасига юклансин.