Oʻzbekiston Respublikasining “Taʼlim toʻgʻrisida”gi Qonuni, Oʻzbekiston Respublikasi Prezidentining 2024-yil 16-oktabrdagi PF-158-son “Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida”gi va 2025-yil 23-oktabrdagi PF-190-son “Kasbiy taʼlim tizimida boshqaruv samaradorligini oshirish chora-tadbirlari toʻgʻrisida”gi Farmonlariga muvofiq buyuraman:

1. Oʻzbekiston Respublikasi oliy taʼlim, fan va innovatsiyalar vazirining 2025-yil 29-maydagi 202-son buyrugʻi (roʻyxat raqami 3635, 2025-yil 1-iyul) (Qonunchilik maʼlumotlari milliy bazasi, 01.07.2025-y., 10/25/3635/0555-son) bilan tasdiqlangan Kasbiy taʼlim tashkilotlarining ishlab chiqarish taʼlimi ustalarini attestatsiyadan oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 3-band quyidagi tahrirda bayon etilsin:

“3. Attestatsiyani tashkil etish jarayonlari Oʻzbekiston Respublikasi Oliy taʼlim, fan va innovatsiyalar vazirligi huzuridagi Kasbiy taʼlim agentligi (bundan buyon matnda Agentlik deb yuritiladi) tomonidan muvofiqlashtiriladi.”.

2. 13-band quyidagi tahrirda bayon etilsin:

“13. Attestatsiyaga doir tashkiliy masalalar Agentlik, Qoraqalpogʻiston Respublikasi Kasbiy taʼlim agentligi, viloyatlar va Toshkent shahri kasbiy taʼlim boshqarmalari (bundan buyon matnda hududiy boshqarmalar deb yuritiladi) tomonidan amalga oshiriladi.”.

3. 18-bandning birinchi xatboshisidagi “vazirlik” degan soʻz “Agentlik” degan soʻz bilan almashtirilsin.

4. 19-bandda:

a) ikkinchi xatboshidagi “Vazirlikda” degan soʻz “Agentlikda” degan soʻz bilan almashtirilsin;

b) uchinchi xatboshidagi “vazirlik” degan soʻz “Agentlik” degan soʻz bilan almashtirilsin.

5. 20-bandning birinchisi xatboshisi va 36-banddagi “Vazirlik” degan soʻz “Agentlik” degan soʻz bilan almashtirilsin.

6. 22-banddagi “Vazirlik” va “Vazirlikning” degan soʻzlar tegishli ravishda “Agentlik” va “Agentlikning” degan soʻzlar bilan almashtirilsin.

7. 25-bandning birinchi xatboshisi va 41-banddagi “Vazirlikka” degan soʻz “Agentlikka” degan soʻz bilan almashtirilsin.

8. 27-bandning ikkinchi xatboshisidagi “Vazirlik” va “Professional” degan soʻzlar tegishli ravishda “Agentlik” va “Kasbiy” degan soʻzlar bilan almashtirilsin.

9. 28-bandning birinchi xatboshisidagi “Oʻzbekiston Respublikasi oliy taʼlim, fan va innovatsiyalar vaziri” degan soʻzlar “Agentlik direktori” degan soʻzlar bilan almashtirilsin.

10. 44-bandning birinchi xatboshisidagi “Oʻzbekiston Respublikasi oliy taʼlim, fan va innovatsiyalar vazirining” degan soʻzlar “Agentlik direktorining” degan soʻzlar bilan almashtirilsin.

11. 45-band, 6 va 7-ilovalarning matnlaridagi “Vazirlikning” degan soʻz “Agentlikning” degan soʻz bilan almashtirilsin.

12. 46-bandda:

a) birinchi xatboshidagi “Oʻzbekiston Respublikasi oliy taʼlim, fan va innovatsiyalar vazirining” degan soʻzlar “Agentlik direktorining” degan soʻzlar bilan almashtirilsin;

b) ikkinchi xatboshidagi “Oʻzbekiston Respublikasi oliy taʼlim, fan va innovatsiyalar vazirining” va “Vazirlik” degan soʻzlar tegishli ravishda “Agentlik direktorining” va “Agentlik” degan soʻzlar bilan almashtirilsin.