Oʻzbekiston Respublikasining “Oʻzbekiston Respublikasi fuqarolarini, chet el fuqarolarini hamda fuqaroligi boʻlmagan shaxslarni yashash joyi va turgan joyi boʻyicha roʻyxatdan oʻtkazish toʻgʻrisida”gi Qonuni hamda Oʻzbekiston Respublikasi Prezidentining 2024-yil 16-oktabrdagi PF-158-son “Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida”gi Farmoniga muvofiq Oʻzbekiston Respublikasi Mudofaa vazirligi, Kambagʻallikni qisqartirish va bandlik vazirligi, Oliy taʼlim, fan va innovatsiyalar vazirligi, Qurilish va uy-joy kommunal xoʻjaligi vazirligi hamda Transport vazirligi qaror qiladi:

1. Oʻzbekiston Respublikasi Mudofaa vazirligining 2022-yil 4-iyundagi 19-son, Bandlik va mehnat munosabatlari vazirligining 2022-yil 2-iyundagi 5-Q/Q-son, Oliy va oʻrta maxsus taʼlim vazirligining 2022-yil 2-iyundagi 11-2022-son, Qurilish vazirligining 2022-yil 2-iyundagi 2-son, Transport vazirligining 2022-yil 3-iyundagi 06-son qarori (roʻyxat raqami 3371, 2022-yil 13-iyun) (Qonunchilik maʼlumotlari milliy bazasi, 13.06.2022-y. 10/22/3371/0519-son) bilan tasdiqlangan Qurilish sohasi malakali mutaxassislarini tayyorlash markazlariga fuqarolarni qabul qilish va oʻqitish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 4-bandning birinchi xatboshisidan “doimiy” degan soʻz chiqarib tashlansin.

2. 8-bandning birinchi xatboshisidagi “professional taʼlim muassasasining (bundan buyon matnda professional taʼlim muassasasi deb yuritiladi)” degan soʻzlar “kasbiy taʼlim tashkilotining (bundan buyon matnda kasbiy taʼlim tashkiloti deb yuritiladi)” degan soʻzlar bilan almashtirilsin.

3. 9-bandning birinchi xatboshisi, 14-bandning birinchi va ikkinchi xatboshilari, 28-band, 29-bandning birinchi xatboshisi, 38 va 51-bandlardagi “professional taʼlim muassasasi” degan soʻzlar “kasbiy taʼlim tashkiloti” degan soʻzlar bilan almashtirilsin.

4. 12-bandning birinchi xatboshisidagi “professional taʼlim muassasasiga” degan soʻzlar “kasbiy taʼlim tashkilotiga” degan soʻzlar bilan almashtirilsin.

5. 16-bandning ikkinchi xatboshisi, 27-band hamda 41-bandning uchinchi xatboshisidagi “professional taʼlim muassasasining” degan soʻzlar “kasbiy taʼlim tashkilotining” degan soʻzlar bilan almashtirilsin.

6. 35-bandning birinchi xatboshisidagi “oliy taʼlim muassasalarining” degan soʻzlar “oliy taʼlim tashkilotlarining” degan soʻzlar bilan almashtirilsin.

7. Ilovaning matnidagi “professional taʼlim muassasasi” va “doimiy turar joyi” degan soʻzlar tegishli ravishda “kasbiy taʼlim tashkiloti” va “yashash joyi” degan soʻzlar bilan almashtirilsin.