Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида» ги 5-сонли қарорига асосан туман ирригация бўлимлари ҳамда махсус хизматлари негизида «Сув етказиб бериш хизмати» давлат муассасалари ташкил этилганлиги ва уларнинг вазифалари белгилаб берилган.

Шунингдек, ушбу қарорда сув хўжалиги ташкилотларига қишлоқ хўжалиги маҳсулотларини ишлаб чиқарувчиларига кузги-қишки шўр ювиш давридаги сув олиш лимитларини жорий йилнинг 25 сентябрга қадар етказиш ва тасдиқлаш учун халқ депутатлари туман Кенгашига киритиш топширилганлигини ва шунга мувофиқ, Ҳазорасп тумани сув етказиб бериш хизмати давлат муассасаси томонидан 2026 йилнинг шўр ювиш мавсуми учун истеъмолчиларнинг сув манбалари ва иқтисодиёт тармоқлари бўйича сув олиш лимитлари ишлаб чиқиш белгиланган.

Кун тартибидаги масала юзасидан депутатлар ва мутахассислар қатнашчилари ўз фикр ва мулоҳазаларини билдирдилар.

Туманда сув ресурсларини ўз вақтида истеъмолчиларга етказиш, улардан мақсадли ва самарали фойдаланишни ташкил қилиш тўғрисидаги масалани муҳокама этиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 24-моддаларига мувофиқ халқ депутатлари Ҳазорасптуман Кенгаши қарор қилади:

1. Ҳазорасп тумани сув етказиб бериш хизмати давлат муассасаси раҳбари С. Матқурбоновнинг 2026 йилнинг ҳосили учун экин экиш майдонларни кузги қишки шўр ювиш даври учун чекланган сув миқдори (лимит)ларни тасдиқлаш учун туман Кенгашининг сессиясида кўриб чиқишда амалий ёрдам сўраб 2025 йил 29-сентябрдаги 602-сонли ёзишмаси маълумот учун қабул қилинсин.

2. Ҳазорасп тумани сув етказиб бериш хизмати давлат муассасасининг сув манбалари, иқтисодиёт тармоқлари ҳамда ҳудудлар бўйича 2026 йилнинг ҳосили учун экин экиш майдонларни кузги қишки шўр ювиш даври учун чекланган сув миқдори (лимит) 1,2-иловаларга мувофиқ тасдиқлансин.

3. Туман ҳокимининг қишлоқ ва сув хўжалиги масалалари бўйича ўринбосари Н. Сотиболдиев ва туман Сув етказиб бериш хизмати давлат муассасаси раҳбари С. Матқурбоновларга 5 кун муддатда:

-сув манбалари, иқтисодиёт тармоқлари ва ҳудудлар бўйича ишлаб чиқилган сув олиш лимитларини барча сув истеъмолчиларига етказсин;

-сув истеъмолчилари билан уларга ажратилган сув олиш лимитлари доирасида сувдан фойдаланиш ёки сув истеъмоли тўғрисидаги шартномаларни тузилишини ҳамда уларни белгиланган тартибда рўйхатдан ўтказилишини таъминласин;

4. Ҳазорасп тумани сув етказиб бериш хизмати давлат муассасаси С. Матқурбонов ва туман ҳокимининг қишлоқ ва сув хўжалиги масалалари бўйича ўринбосари в.в.б Н. Сотиболдиевларга ҳамкорликда сувдан мақсадли ва самарали фойдаланиш бўйича ўқув семинарлари ва тушунтириш ишларини олиб бориш вазифаси юклатилсин.

5. Ушбу қарорнинг ижросини назорат қилиш халқ депутатлари туман Кенгашининг Саноат, транспорт, аграр, қурилиш, коммунал хўжалиги масалалари ва аҳолига хизмат кўрсатиш ҳамда экология масалалари бўйича доимий комиссия раиси Ш. Қўчқоров зиммасига юклатилсин.