Ўзбекистон Республикасининг «Аҳоли бандлиги тўғрисида»ги қонунининг 13-моддаси (Қонун ҳужжатлари маълумотлари миллий базаси, 20.10.2020 й., 03/20/642/1396-сон), «Ўзбекистон Республикасида ногиронларни ижтимоий ҳимоя қилиш тўғрисида»ги қонуни (Қонун ҳужжатлари маълумотлари миллий базаси, 2008 йил, 29-30-сон, 277-модда) 25-моддаси, Ўзбекистон Республикаси Президентининг «Оилаларни мустаҳкамлаш ва хотин-қизларнинг фаоллигини ошириш бўйича қўшимча чора-тадбирлар тўғрисида» 2023 йил 21 декабрдаги ПҚ-401-сон қарори, Вазирлар Маҳкамасининг 2017 йил 5 декабрдаги 965-сон қарори билан тасдиқланган «Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида»ги низом ҳамда Ўзбекистон Республикаси Президентининг «Меҳнат муносабатлари ва касбга тайёрлаш тизимини такомиллаштириш ҳамда иш берувчиларни рағбатлантиришга оид қўшимча чоратадбирлар тўғрисида» 2025 йил 4 августдаги ПФ-126-сон фармонига асосан 2026 йил учун иш ўринларини банд қилиб қўйиш мақсадида, «Маҳаллий давлат ҳокимияти тўғрисида»ги қонуннинг 6 ва 21¹ -моддаларига асосан, қарор қиламан:

1. Қуйидагилар:

а) Ўзбекистон Республикаси Президентининг «Ўзбекистон Республикасида маҳаллий давлат ҳокимияти вакиллик органлари фаолиятини 2030 йилга қадар ривожлантириш концепциясини тасдиқлаш тўғрисида» 2025 йил 23 июндаги ПФ-98-сон фармонига асосан ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сони 143 та этиб белгилансин;

ногиронлиги бўлган шахслар учун (3.5 фоиз) — 5 ўрин,

оилавий (маиший) зўравонликдан жабрланган шахслар учун (7.0 фоиз) — 10 та ўрин,

камбағал оилалар реестридаги оилаларнинг аъзолари учун (81.8 фоиз) — 117 та ўрин,

муқобил жойлаштириш шаклларида тарбияланган етим ва ота-она қарамоғидан маҳрум бўлган шахслар учун (1.4 фоиз) — 2 ўрин,

жазони ижро этиш муассасаларидан озод қилинган шахслар учун (6.3 фоиз) — 9 ўрин;

2. Туман бўйича ижтимоий муҳофазага муҳтож, иш топишда қийналаётган ва меҳнат бозорида тенг рақобатлаша олмайдиган шахсларни ишга жойлаштириш мақсадида иш ўринларини 2026 йил учун энг кам сонини белгилаб қўйиши лозим бўлган корхона, ташкилот ва муассасалар рўйхати 1, 2-иловаларга мувофиқ тасдиқлансин.

3. Корхона, ташкилот ва муассасалар раҳбарларига: ижтимоий муҳофазага муҳтож ва иш топишда қийналаётган шахсларни иш билан таъминлаш учун 2025 йил 20 декабрь кунига қадар квота иш жойлари умумий миқдорининг камида 25 фоизи учун, 2026 йилнинг 10 апрелидан кечикмаган ҳолда иш жойларининг қолган қисми 75 фоизини барпо этиш (ажратиш ёки банд қилиб қўйиш) тўғрисидаги, яъни ҳар бир квота тоифаси бўйича иш ўринлари банд қилиб қўйиладиган касблар ва лавозимлар, мутахассисликлар кесимидаги маълумотларни Камбағалликни қисқартириш ва бандликка кўмаклашиш бўлимига тақдим этиш, ҳар ойда ҳисобот ойидан кейинги ойнинг 5-кунигача белгиланган шакл бўйича муҳтожларни ишга жойлаштириш тўғрисида ахборот тақдим этиш вазифалари юклатилсин.

4. Иш ўринлари банд қилинган корхона ва ташкилотлар томонидан 2026 йил 1 апрелга қадар банд қилинган иш ўринларини Ўзбекистон Республикаси Вазирлар Маҳкамасининг 2014 йил 15 сентябрдаги 263-сон қарорига асосан белгиланган тартибда аттестациядан ўтказилиши амалга оширилсин.

5. Корхона, ташкилот ва муассасалар раҳбарлари ижтимоий муҳофазага муҳтож ва иш топишда қийналаётган шахслар учун иш жойларининг кўрсатиб ўтилган миқдорини Ўзбекистон Республикаси Вазирлар Маҳкамасининг 2017 йил 5 декабрдаги 965-сон қарори билан тасдиқланган «Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида»ги низомга мувофиқ белгиланган муддатларда ва тартибда яратилишини (ажратилишини ёки банд қилиб қўйилишини) ҳамда иш жойлари санитария-гигиена нормаларига ва ходим ўз мажбуриятларини тўсиқларсиз бажаришини таъминлайдиган меҳнат шароитларига мувофиқ бўлишини таъминласинлар.

6. Мазкур қарор ижроси таъминланмаганда, шунингдек муҳтожларни ишга қабул қилиш асоссиз равишда рад этилганлиги учун корхона, ташкилот ва муассасаларнинг мансабдор шахслари Ўзбекистон Республикаси Вазирлар Маҳкамасининг 2017 йил 5 декабрдаги 965-сон қарори билан тасдиқланган «Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида»ги Низомнинг 21-бандига мувофиқ қонун ҳужжатларида белгиланган тартибда маъмурий жавобгарлик белгиланади. Ижтимоий муҳофазага муҳтож, иш топишда қийналаётган ва меҳнат бозорида тенг шароитларда рақобатлаша олмайдиган шахсларни ишга жойлаштириш учун иш ўринларини захирага қўйиш бўйича туман ҳокимининг қарори бажарилмаганлиги учун жарима тўлаш ташкилотни захирага қўйиладиган иш ўринларининг белгиланган сонини яратиш бўйича мажбуриятдан озод қилмайди.

7. Туман Камбағалликни қисқартириш ва бандликка кўмаклашиш бўлими бошлиғи в.в.б М. Шораҳимова — бир ҳафта муддатда мазкур қарорни тегишли корхона, ташкилот ва муассасалар раҳбарларига етказсин ҳамда унинг бажарилиши устидан қатъий назоратни таъминласин; — Ўзбекистон Республикаси Бандлик ва меҳнат муносабатлари вазирлигининг 2019 йил 10 майдаги «Ўзбекистон Республикаси Бандликка кўмаклашиш давлат жамғармаси маблағлари ҳисобидан субсидия ва грантлар ажратиш тартиби тўғрисидаги Низомни тасдиқлаш ҳақида»ги 19-2019-Б-сон буйруғи билан тасдиқланган Ўзбекистон Республикаси Адлия вазирлигидан 2019 йил 31 майда 3163-сон билан рўйхатдан ўтказилган Низом талабларига асосан туман ҳокимининг қарори билан белгиланган режадан ортиқ тоифалардан келиб чиқиб, ишга қабул қилинган ҳар бир ходим учун меҳнатга ҳақ тўлашнинг энг кам миқдорининг 2 баробари миқдорида 12 ой давомида маблағ ажратилишини назарда тутсин.

8. Туман ҳокимининг 2024 йил 30 октябрдаги «Ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини 2025 йил учун банд қилиб қўйиш тўғрисида»ги 299-10-142-Қ/24-сон қарори 2025 йил 31 декабрдан ўз кучини йўқотган деб ҳисоблансин.

9. Қарор расмий эълон қилинган кундан эътиборан кучга киради.

10. Ушбу қарорнинг ижросини назорат қилиш туман ҳокимининг биринчи ўринбосари М.Мирюнусов зиммасига юклансин.