Ўзбекистон Республикаси Бюджет кодексининг 126-моддаси (Давлат бюджети, давлат мақсадли жамғармалари ва Ўзбекистон Республикаси тикланиш ва тараққиёт жамғармасининг қўшимча манбаларидан фойдаланиш)га мувофиқ, халқ депутатлари маҳаллий Кенгашларига маҳаллий бюджетларни бошқаришда эркинликлар берилиб, солиқлар ва йиғимлар бўйича ставкаларини белгилаш, маҳаллий бюджети харажатларини ҳудудий бюджет маблағлари тақсимловчилар кесимида тасдиқлаш ва уларнинг Кенгаш олдидаги ҳисобдорлигини белгилаш бўйича ваколатлари кенгайтирилган.

Бюджет кодексининг 126-моддасига асосан Қува тумани маҳаллий бюджетининг 2025 йил иккинчи чорак якуни бўйича даромадларни режасини ортиқча бажарилган қисмини тақсимлаш мақсадида Ўзбекистон Республикасининг «Маҳаллий давлат ҳокимияти тўғрисида» ги Қонунининг 6- ва 24-моддаларига асосан халқ депутатлари Қува тумани Кенгаши қарор қилади:

1. Ўзбекистон Республикаси Бюджет кодексининг 119 — 126-моддаси, «2025 йил учун Ўзбекистон Республикасининг Давлат бюджети тўғрисида»ги ЎРҚ-1011-сон Қонунига мувофиқ туман ҳокимининг биринчи ўринбосари-иқтисодиёт ва молия бўлими бошлиғи Ж.Закировнинг туман маҳаллий бюджетининг 2025 йил иккинчи чорак якуни бўйича даромадларини ортиқча бажарилган қисмини тақсимланиши тўғрисида ҳисоботи маълумот учун қабул қилинсин.

Туман маҳаллий бюджетининг 2025 йил иккинчи чорак даромадлар режасини ортиқча бажарилган қисми ҳисобидаги маблағлари 803686 минг сўм миқдорида эканлиги, бунга қўшимча, Давлат активларини сотишдан маҳаллий бюджетларга ер участкаларига бўлган ҳуқуқларни сотишдан тушган пул маблағларидан 228331 минг сўм шаклланганлиги маълумот учун қабул қилинсин.

2. Бюджет кодексига асосан 2025 йилда туман бюджетининг 2025 йил иккинчи чорак якуни бўйича даромадлар режасининг ортиқча бажарилган қисми ҳисобидан қуйидаги харажатлар учун йўналтирилсин:

2.1. Ўзбекистон Республикаси Президентининг 2021 йил 13 апрелдаги «Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида»ги ПҚ-5072-сон Қарори ижросини таъминлаш (30 фоиз) учун аҳоли томонидан энг кўп маъқулланган тадбирларга 2025 йил иккинчи чорак якуни бўйича даромадларни ортиқча бажарилган қисми ҳисобидан 241106.0 минг сўм, ер участкаларига бўлган ҳуқуқларни сотишдан тушган пул маблағлар ҳисобдан 68 500 минг сўм;

2.2. Юқоридаги ажратилган маблағлардан иқтисод қилинган ёки фойдаланилмаган маблағлар туманда амалга оширилган харажатлардан бўлган қарздорликларга, фавқулодда вазиятларда ва шунга ўхшаш кечиктириб бўлмайдиган чоралар кўрилиши талаб этиладиган харажатлар учун харажатларга йўналтириш кўзда тутилсин.

3. Туман ҳокимининг биринчи ўринбосари (Ж.Закиров), туман Иқтисодиёт ва молия бўлими ўринбосари (А.Солиев)лар бюджет маблағлари тақсимловчиларнинг бюджет маблағларидан самарали фойдаланилиши устидан қатъий назоратни ўрнатиш ҳамда эришилган натижалар бўйича ҳисоботларини Кенгашга киритилишини таъминласин.

4. Мазкур қарорини бажарилишини назорат қилиш туман ҳокимининг биринчи ўринбосари (Ж.Закиров) ҳамда халқ депутатлари Қува туман Кенгашининг «Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича» доимий комиссияси (А.Дадажонов) зиммасига юклансин.

5. Мазкур қарор қабул қилинган кундан бошлаб кучга киритилади.