Ўзбекистон Республикасининг2020 йил 23 сентябрдаги «Таълим тўғрисида»ги 637-сонли 27-моддаси, Ўзбекистон Республикаси Вазирлар Маҳкамасининг 2017 йил 15 мартдаги 140-сонли (Ўзбекистон Республикаси қонун ҳужжатлари тўплами, 2017 йил, 11-сон, 167-модда) билан тасдиқланган «Умумий ўрта таълим тўғрисида»ги Низомнинг 39-банди ва Ўзбекистон Республикаси Президентининг 2024 йил 2 февраль кунидаги 7-сонли баёни 14-банди ижросини таъминлаш ҳамда туманда мактаб ёшидаги болаларни умумий ўрта таълимга қамраб олиш жараёнида умумтаълим муассасаларига бириктирилган ҳудудлар (микроҳудуд)ни аниқ белгилаб олиш мақсадида, «Таълим тўғрисида»ги Қонунининг 27-моддаси ҳамда Ўзбекистон Республикаси «Маҳаллий давлат ҳокимияти тўғрисида»ги Қонуннинг 6-, 25 моддаларига асосан, қарор қиламан:

1.Яккабоғ туманида мактаб ёшидаги болаларни умумий ўрта таълимгатўлиқ қамраб олиш бўйича умумтаълим муассасаларига бириктирилган ҳудудлар (микроҳудуд) рўйхати иловага асосан тасдиқлансин.

2.Туман ҳокими ўринбосари (Ф.Хидиров), туман мактабгача ва мактаб таълими бўлими (Ж.Эшқуватов), тумандаги умумтаълим муассасалари раҳбарлари зиммасига мактаб ёшидаги болаларни умумий ўрта таълимга тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш вазифаси топширилсин.

3.Тумандаги умумтаълим муассасалар раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисоблансин.

4.Мазкур қарор «Яккабоғ овози» газетасида расмий эълон қилинсин ва ҳокимликнинг расмий веб-сайтига жойлаштирилсин

5.Мазкур қарор расмий эълон қилинган кундан эътиборан кучга киради.

6.Туман ҳокимининг 2024 йил 6 июндаги № 201-4-68-Қ/24-сонли қарори ўз кучини юқотган деб ҳисоблансин.

7.Ушбу қарорнинг бажарилишини назорат қилиш туман ҳокими ўринбосари Ф.Хидиров зиммасига юклатилсин