Ўзбекистон Республикасининг «Маҳаллий давлат ҳокимияти тўғрисида»ги Қонуни 6- ва 24-моддаларига ҳамда «Шаҳар йўловчилар транспорти тўғрисида»ги Қонунининг 19-моддасига асосан, Ўзбекистон Республикаси Президентининг «Ички туризм хизматларини диверсификация қилишга оид қўшимча чора-тадбирлар тўғрисида» 2022 йил 30 апрелдаги ПҚ-232-сон қарори ва «Маҳаллий давлат ҳокимияти органлари фаолиятининг самарадорлигини ошириш чора-тадбирлари тўғрисида» 2024 йил 2 февралдаги ПФ-28-сон Фармонига мувофиқ халқ депутатлари Қўқон шаҳар Кенгаши қарор қилади:

1. Фарғона вилояти Транспорт бошқармасининг Қўқон шаҳар «Истиқлол» кўчасида ташкил этилган «туризм кўчаси»да йўловчи ташиш фаолиятини олиб борувчи жамоат транспортини иш вақтини тунги соат 00:00 га қадар узайтириш тўғрисидаги таклифига розилик берилсин.

2. Қўқон шаҳар «Истиқлол» кўчасида ташкил этилган «туризм кўчаси»ни йўловчи ташиш фаолиятини олиб борувчи жамоат транспорти йўналишлари қатновларни амалга ошириш учун йўлкира ҳақи Қўқон шаҳрининг жамоат транспорти йўналишлари билан бир хил этиб белгиланиши, замонавий талабларга жавоб берадиган, кондисионерли, Wи-фи, видеокузатув тизимига эга ҳамда имконияти чекланган шахслар учун мослаштирилган автобусларда ташкил этилиши инобатга олинсин.

3. Қўқон шаҳар ҳокими ўринбосарлари А.Сулаймонов, А.Эргашев, шаҳар ҳокимлиги Ахборот хизмати-мотбуот котиби У.Норбоевларга мутасадди ташкилотлар билан биргаликда:

ташкил этиладиган тунги жамоат транспорти йўналишлари ҳақидаги ахборотни аҳоли ва туристлар ўртасида кенг тарғиб этиш;

йўл харакат хавфсизлигини таъминлаш бўйича шаҳар ИИБ билан хамкорликда зарурий чораларни кўриш;

йўналишлар, ҳаракат жадвали, фойдаланиш шартлари ва қулайликлар ҳақидаги маълумотларни оммавий ахборот воситалари, расмий веб-сайтлар ҳамда ижтимоий тармоқлар орқали доимий равишда ёритиш вазифалари юклансин.

4. Мазкур қарорнинг ижросини назорат қилиш халқ депутатлари шаҳар Кенгашининг Аграр, қурилиш, коммунал, сув хўжалиги, экология, саноат ва транспорт масалалари бўйича доимий комиссияси раиси Ю.Тўйчиев ҳамда шаҳар ҳокимининг ўринбосари А.Сулаймонов зиммасига юклансин.