Ўзбекистон Республикасининг «Маҳаллий давлат ҳокимияти тўғрисида»ги Қонунининг 6, 21¹-моддалари ва «Йўл ҳаракати тўғрисида»ги Қонуннинг 8-моддаси, Вазирлар Маҳкамасининг 2022 йил 12 апрелдаги 172-сон қарори билан тасдиқланган Йўл ҳаракати қоидалари талабларига асосан, Мирзаобод туман прокуратураси ҳудудида йўл ҳаракати хавфсизлигини таъминлаш бўйича профилактик-огоҳлантириш ва оғир оқибатли йўл-транспорт ҳодисаларининг олдини олиш борасидаги ишлар самарадорлигини ошириш мақсадида қарор қиламан:

1. Мирзаобод туман Ободонлаштириш бошқармасининг 2025 йил 18 сентябрдаги келишув хати инобатга олинсин.

2. Мирзаобод туман прокуратураси ҳудудида умумфойдаланувдаги автомобиль йўли ва марказий кўчада фуқаролар ва транспорт воситаларининг ҳаракати хавфсизлигини таъминлаш, йўл транспорти ҳодисаларини олдини олиш мақсадида ўрнатилиши лозим бўлган йўл белгиларини ўрнатишга рухсат берилсин.

3. Мирзаобод туман ички ишлар бўлими йўл ҳаракати хавфсизлиги бўлими бошлиғига мазкур қарор билан белгиланган ҳудудларга йўл белгиларини ўрнатиш ва доимий назорат қилиш вазифаси юклатилсин.

4. Мазкур қарор «Янги Мирзаобод» газетасида расмий эълон қилинсин ва ҳокимликнинг расмий веб-сайтига жойлаштирилсин.

5. Мазкур қарор ижросини таъминлаш туман ҳокимининг ўринбосари З.Абдувохидов ҳамда туман ички ишлар бўлими бошлиғи А.Холматов зиммасига юклансин.

6. Ушбу қарорнинг бажарилишини назорат қилишни ўз зиммамда қолдираман.