Ўзбекистон Республикаси Президентининг 1992 йил 28 майдаги «Ўзбекистон Қизил Ярим ой жамияти тўғрисида»ги ПФ-411-сон ва 2018 йил 4 майдаги «Мамлакатни демократик янгилаш жараёнида фуқаролик жамияти институтлари ролини тубдан ошириш чора-тадбирлари тўғрисида»ги ПФ-5430-сон фармонлари ҳамда Ўзбекистон Республикаси Вазирлар Маҳкамасининг 1992 йил 5-октябрдаги «Ўзбекистон Қизил Ярим ой жамияти тўғрисида»ги 458-сон ҳамда Қашқадарё вилояти ҳокимининг 2025 йил 14-октябрдаги 480-4-0-Қ/25 қарори ижросини таъминлаш мақсадида «Маҳаллий давлат ҳокимияти тўғрисида»ги Қонунининг 6-, 21¹-моддаларига асосан қарор қиламан:

1. Қашқадарё вилояти ҳокимининг 2025 йил 14-октябрдаги 480-4-0-Қ/25 қарори рахбарлик, маълумот ва ижро учун қабул қилинсин

2. 2025 йил 21-30 ноябрь кунлари Ўзбекистон Қизил Ярим ой жамияти туман ташкилотининг инсонпарварлик фаолиятини қўллаб-қувватлаш хайрия ўн кунлиги ўтказилсин.

3. Ўзбекистон Қизил Ярим ой жамиятининг туман ташкилотининг инсонпарварлик фаолиятини қўллаб-қувватлаш хайрия ўн кунлигини ўтказиш бўйича ташкилий қўмита таркиби 1-иловага мувофиқ тасдиқлансин.

4. Тумандаги барча, ташкилот, идора ва корхоналарга хайрия ўн кунлигида фаол иштирок этишлари тавсия этилсин.

5. Туман барча хўжалик юритувчи субъектлар, ташкилот корхона ва муассасалар раҳбарларига хайрия ўн кунлигини уюшқоқлик билан ўтказишда Ўзбекистон Қизил Ярим ой жамиятининг туман бўлимларига ихтиёрий ва беғараз ёрдам кўрсатиш тавсия этилсин.

6. Туман маданият бўлимининг (Н.Бомиров) хайрия ўн кунлиги давомида хайрия концертлари, театр томошалари, туман спорт бўлими (А.Хайбаров) спорт тадбирларидан тушган маблағлардан бир қисмини Ўзбекистон Қизил Ярим ой жамияти туман ташкилотининг ҳисоб рақамига ўтказсин.

7. Миллий гвардия Косон туман бўлими(Ж.Эргашев),туман ички ишлар бўлими (Б.Мирзаев)га шахсий таркиб ўртасида Ўзбекистон Қизил Ярим ой жамиятининг туман ташкилоти ҳисобига шахсий бадал топшириш ва маблағ тўплаш юзасидан тушунтириш ишларини ташкил этиш тавсия этилсин.

8. Хўжалик юритувчи субъектлар, ташкилот, корхона ва муассасалар раҳбарларига хайрия маблағларини Ўзбекистон Қизил Ярим ой жамияти туман ташкилотининг Агробанк АТБ Косон туман филиалидаги МФО 00162, ИИН: 201614606, ташкилотнинг 20212000700384117001 ҳисоб рақамига ўтказиш тавсия этилсин.

9. Хайрия ўн кунлиги муносабати билан тўпланган маблағлар жамият уставига мувофиқ ёлғиз кексалар, ногиронлар, боқувчисини йўқотган ва кам таъминланган оилаларни ижтимоий ҳимоялашга, табиий ва техноген фалокатларда жабрланганларга гуманитар ёрдам ҳамда фавқулодда вазиятларда биринчи ёрдам кўрсатиш учун захира яратиш ишлари учун сарфланиши белгилаб қўйилсин.

10. Мазкур қарорнинг бажарилишини назорат қилиш туман ҳокимининг биринчи ўрибосари Ҳ.Назаров зиммасига юклатилсин.