2025 йил 12 сентябрдаги Хоразм вилояти ҳокимининг «2025-2026 йилларнинг куз-қиш даврида ирригация-мелиорация объектларида амалга ошириладиган чора-тадбирлар тўғрисида»ги 210-12-171-Ф/25-сонли фармойиши ижросини таъминлаш мақсадида ҳамда «Маҳаллий давлат ҳокимияти тўғрисида»ги Ўзбекистон Республикаси қонунининг 6- ва 24-моддаларига мувофиқ халқ депутатлари Гурлан тумани Кенгаши қарор қилади:

1. Хоразм вилояти ҳокимининг 2025 йил 12 сентябрь «2025-2026 йилларнинг куз-қиш даврида ирригация-мелиорация объектларида амалга ошириладиган чора-тадбирлар тўғрисида»ги 210-12-171-Ф/25-сонли фармойиши ижро учун қабул қилинсин.

2. Гурлан тумани «Сув етказиб бериш хизмати» давлат муассасасининг сув манбалари, иқтисодиёт тармоқлари ҳамда ҳудудлари бўйича 2025-2026 йилларнинг куз-қиш (шўр ювиш) даврида сув манбаларидан олинадиган сув миқдори (лимит) 1 ва 2- иловаларга мувофиқ тасдиқлансин.

3. Туман ҳокимининг қишлоқ ва сув хўжалиги масалалари бўйича ўринбосари Х.Отаханов, Гурлан туман «Сув етказиб бериш хизмати» давлат муассасаси директори Ж.Рахимовларга:

5 кун муддатда сув манбалари, иқтисодиёт тармоқлари ва ҳудудлари бўйича ишлаб чиқилган сув олиш лимитларини барча сув истеъмолчиларига етказиш;

-сув истеъмолчилари билан уларга ажратилган сув олиш лимитлари доирасида сувдан фойдаланиш ёки сув истеъмоли тўғрисидаги шартнорналарнинг тузилишини ҳамда уларнинг белгиланган тартибда рўйхатдан ўтказиш таъминлансин.

4. Гурлан тумани «Сув етказиб бериш хизмати» давлат муассасаси (Ж.Рахимов) ҳамда туман қишлоқ хўжалиги бўлими(Р.Маткаримов)га биргаликда сувдан мақсадли ва самарали фойдаланиш бўйича ўқув семинарлари ва тушунтириш ишлари олиб бориш вазифаси юклатилсин.

5. Мазкур қарор «Гурлан ҳаёти» газетасида расман эълон қилинсин ҳамда туман ҳокимлигининг расмий веб-сайтига жойлаштирилсин.

6. Мазкур қарорнинг ижросини назорат қилиш туман ҳокимининг ўринбосари Х.Отаханов ҳамда халқ депутатлари туман Кенгашининг аграр, сув хўжалиги ва экология масалалари бўйича доимий комиссияси раиси Г.Кучкаров зиммаларига юклатилсин.

7. Ушбу қарор қабул қилинган кундан кучга киради.