«Йўл ҳаракати хавфсизлиги тўғрисида»ги Ўзбекистон Республикаси қонуни, Ўзбекистон Республикаси Вазирлар Маҳкамасининг 2011 йил 26 декабрдаги қарори билан тасдиқланган «Ўзбекистон Республикаси ҳудудидаги автомобиль йўлларида хавфсизликни таъминлаш ва ташкил этиш чора-тадбирлари тўғрисида»ги 342-сон қарори, Ўзбекистон Республикаси Вазирлар Маҳкамасининг 2022 йил 12 апрелдаги «Йўл ҳаракати қоидаларини тасдиқлаш тўғрисида»ги 172-сон қарори ижроси юзасидан Зомин туманида фуқароларнинг хавфсизлиги ва автотранспорт воситаларининг ҳаракатини тартибга солиш мақсадида туман Фавқулодда вазиятлар бўлимининг 2025 йил 14 июлдаги 1/2/21/-1014-сонли ҳамда туман Ички ишлар бошқармасининг 2025 йил 12 сентябрдаги 48/39/26-сонли хатларини кўриб чиқиб, Ўзбекистон Республикаси «Маҳаллий давлат ҳокимияти тўғрисида»ги қонунининг 6-, 21¹- моддаларига асосан, қарор қиламан:

1. Туман Фавқулодда вазиятлар бўлимининг 2025 йил 14 июлдаги 1/2/21/-1014-сонли ҳамда туман Ички ишлар бошқармасининг 2025 йил 12 сентябрдаги 48/39/26-сонли хатлари инобатга олинсин.

2. Зомин туманида фуқароларнинг хавфсизлиги ва автотранспорт воситаларининг ҳаракатини тартибга солиш мақсадида: А-376 «Қўқон-Жиззах» автомобиль йўлининг 97 км.да жойлашган Зомин тумани фавқулодда вазиятлар бўлими л0-касбийлашган ёнғин қутқарув қисми биноси рўпарасига бир дона 3.27 (тўхташ тақиқланган) йўл белгиси ўрнатилишига рухсат берилсин.

3. Зомин тумани ички ишлар бошқармаси йўл ҳаракати хавфсизлиги бўлими (О.Хасанов): мазкур қарор билан тегишли жойга йўл белгиларини ўрнатилишини ташкил этсин ҳамда ушбу ҳудудларда автомобиллар ҳаракатини назорат қилиб борсин.

4. Мазкур қарор расман эълон қилинган кундан кучга киради.

5. Мазкур қарор ижросини таъминлаш туман ҳокимининг ўринбосари Э.Махманазаров ҳамда туман ички ишлар бошқармаси бошлиғи И.Нурматов зиммасига юклансин.