Ўзбекистон Республикаси маъмурий-ҳудудий тузулиши тўғрисидаги қонунининг 27-моддаси ҳамда Ўзбекистон Республикаси Вазирлар Маҳкамасининг 2018 йил 23 апрелдаги «Маъмурий-ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш тартибини янада такомиллаштириш чора-тадбирлар тўғрисида»ги 299-сонли қарорининг ижросини таъминлаш мақсадида Республика аэрогеодезия маркази Хоразм ҳудудлараро бўлинмаси томонидан «Маъмурий-ҳудудий бирликлар чегараларини белгилаш тартиби тўғрисидаги Низомга асосан Хўжаобод туманидаги шаҳар, шаҳарча ва қишлоқлар чегараларини белгилаш бўйича бажарилган ишларнинг якуний натижаларини кўриб чиқиш юзасидан тузилган туман комиссиясининг 2025 йил 18 августдаги йиғилишининг №1-сонли баёни ўрганилди.

Кун тартибидаги масалани атрофлича муҳокама қилиб, Ўзбекистон Республикаси "Маҳаллий давлат ҳокимияти тўғрисида"ги Қонунининг 6- ва 24-моддаларига мувофиқ Халқ депутатлари Хўжаобод тумани Кенгаши қарор қилади:

1. Ўзбекистон Республикаси Иқтисодиёт ва Молия вазирлиги ҳузуридаги кадастр агентлиги давлат кадастрлари палатаси Андижон вилояти бошқармаси Хўжаобод тумани филиали раҳбари А.Абдупаттаевнинг 2025 йил 19 августдаги «Хўжаобод туманидаги шаҳар, шаҳарча ва қишлоқлар чегараларини белгилаш бўйича бажарилган ишларнинг якуний натижалари ва ишчи гуруҳ томонидан кўриб чиқилган чегара ҳужжатлари хусусида» ги 01-01-885-сонли хати маълумот учун қабул қилинсин.

2. Ўзбекистон Республикаси Вазирлар Маҳкамасининг 2018 йил 23 апрелдаги «Маъмурий ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш тартибини янада такомиллаштириш чора-тадбирлар тўғрисида»ги 299-сонли қарорининг ижросини таъминлаш мақсадида Республика аэрогеодезия Марказининг Хоразм ҳудудлараро бўлинмаси томонидан Хўжаобод туманида бажарилган ишларнинг якуний натижаларини кўриб чиқиш юзасидан тузилган туман комиссиясининг 2025 йил 18 августдаги йиғилишининг № 1-сонли баёни тасдиқлансин.

3. Шаҳар, шаҳарча ва қишлоқларнинг чегараларини белгилаш (ёки тақсимоти) тўғрисидаги маълумот 1-иловага, схематик харитаси 2-илова мувофиқ тасдиқлансин.

4. Мазкур қарорнинг тасдиғи Халқ депутатлари Андижон вилояти Кенгашидан сўралсин.

5. Ушбу қарорнинг ижросини назорат қилиш туман ҳокимининг биринчи ўринбосари А.Мирзаолимов ва Халқ депутатлари туман Кенгашининг доимий комиссиялари зиммасига юклатилсин.