Қарши туман маҳаллий бюджетининг 2025 йил молия йили мобайнидаги харажатларига ўзгартиришлар киритиш тўғрисида туман иқтисодиёт ва молия бўлими бошлиғининг биринчи ўринбосари Ш.Сатторовнинг 2025 йил 18-сентябрдаги 01-20-224-10-32/84-сонли хатини инобатга олиб, Ўзбекистон Республикаси Бюджет Кодексининг 27-моддаси ва Ўзбекистон Республикаси «Маҳаллий давлат ҳокимияти тўғрисида»ги Қонунининг 24-моддаларига асосан халқ депутатлари Қарши туман Кенгаши қарор қилади:

1. Қарши туман маҳаллий бюджетининг 2025 йил молия йили мобайнидаги харажатларига ўзгартиришлар киритиш тўғрисида туман иқтисодиёт ва молия бўлими бошлиғининг биринчи ўринбосари Ш.Сатторовнинг 2025 йил 18-сентябрдаги 01-20-224-10-32/84-сонли хати маълумот учун қабул қилинсин.

2. Туман маҳаллий бюджетининг 2025 йил молия йили мобайнидаги харажатларига ўзгартиришлар киритиш иловаларга мувофиқ маъқуллансин.

3. Туман иқтисодиёт ва молия бўлими бошлиғининг биринчи ўринбосари (Ш.Сатторов)га;

Ўзбекистон Республикасининг «2025 йил учун Ўзбекистон Республикасининг Давлат бюджети тўғрисида»ги Қонуни ва Ўзбекистон Республикаси Бюджет Кодекси талабларига асосан туман маҳаллий бюджетининг 2025 йил молия йили мобайнидаги харажатларига белгиланган тартибда мазкур қарорнинг иловасига мувофиқ кўзда тутилган ўзгартиришларни киритиш вазифаси юклатилсин.

4. Мазкур қарор ижросини назорат қилиш халқ депутатлари Қарши туман Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия раиси Х.Қурбонова ва туман ҳокимининг биринчи ўринбосари Х.Турдиевлар зиммасига юклатилсин.