Ўзбекистон Республикасининг 2022 йил 22 июлдаги «Ичимлик суви таъминоти ва оқова сувларни чиқариб юбориш тўғрисида»ги ЎРҚ-784-сонли, Ўзбекистон Республикаси Вазирлар Маҳкамасининг 2014 йил 15 июлдаги «Коммунал хизматлар кўрсатиш қоидаларини тасдиқлаш тўғрисида»га 194-сонли Қарори, «Навоий кон-металлургия комбинати» акциядорлик жамиятининг 2025 йил 4 июндаги 04-02-05/04/6059-сонли, 2025 йил 13 августдаги 04-02-05/04/8667-сонли хатлари, вилоят иқтисодиёт ва молия бош бошқармасининг 2025 йил 12 августдаги 01-12/20-11-38/1994-сонли хулосаси, вилоятда «Навоий кон-металлургия комбинати» АЖ томонидан аҳолини тоза ичимлик суви билан таъминлаш, канализация хизматлари кўрсатиш хизматлари аҳволини янада яхшилаш ҳамда билдирилган таклиф, фикр ва мулоҳазаларни инобатга олган ҳолда, «Маҳаллий давлат ҳокимияти тўғрисида»ги Ўзбекистон Республикаси Қонунининг 16² ва 24-моддаларига асосан, халқ депутатлари вилоят Кенгаши қарор қилади:

1. Ўзбекистон Республикасининг 2022 йил 22 июлдаги ЎРҚ-784-сонли Қонуни, Вазирлар Маҳкамасининг 2014 йил 15 июлдаги 194-сонли қарори ижро учун, «Навоий кон-металлургия комбинати» АЖ бош директор ўринбосари Ж. Хасановнинг ичимлик суви таъминоти, оқова сув хизматлари тарифлари юзасидан ҳисоботи маълумот учун қабул қилинсин.

2. «Навоий кон-металлургия комбинати» АЖ томонидан кўрсатиладиган ичимлик суви таъминоти, канализация хизматлари (шунингдек, техник сув) учун таклиф нархлари (тарифлар) иловага мувофиқ тасдиқлансин

3. Халқ депутатлари вилоят Кенгашининг 2024 йил 15 мартдаги VI-69-29-5-0-К/24-сонли қарори ўз кучини йўқотган деб ҳисоблансин.

4. Вилоят ҳокимлиги ахборот хизмати (Ш. Раубаева), вилоят телерадиокомпанияси (А. Муқимов), «Дўстлик байроғи» ва «Знамя дружбы» газеталари таҳририяти давлат корхонаси (Б. Умаров)га олиб борилаётган ишларни доимий равишда оммавий ахборот воситаларида кенг ёритиб бориш тавсия этилсин.

5. Ушбу қарор расмий эълон қилингандан бошлаб, 15 кундан сўнг кучга киради.

6. Мазкур қарорнинг бажарилишини назорат қилиш вилоят ҳокими ўринбосари (Э. Камолов) ҳамда халқ депутатлари вилоят Кенгашининг маҳаллий бюджет, тадбиркорликни ривожлантириш ва иқтисодий ислоҳотлар бўйича доимий комиссияси (Н. Исоқов) зиммасига юклатилсин.