Бухоро вилояти ҳузуридаги географик объектларни номлаш ва қайта номлаш масалалари бўйича комиссиясининг 2025 йил 5 апрелдаги 06/764-01-11-сон мурожаатномаси ва унда қайд этилган Пешку туманидаги жами 19 та географик объект (кўча, тор кўча, берк кўча)ни номлаш ва қайта номлаш бўйича таклифи эксперт комиссияси томонидан ўрганиб чиқилди, Ўзбекистон Республикасининг «Маҳаллий давлат ҳокимяти тўғрисида» қонуни 6-моддаси, «Географик объектларнинг номлари тўғрисида»ги қонуни ҳамда Ўзбекистон Республикаси Вазирлар Маҳкамасининг 2012 йил 16 октябрдаги 295-сонли «Географик объектларнинг номлари тўғрисида»ги Ўзбекистон Республикаси қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги қарорига асосланиб, халқ депутатлари Пешку тумани Кенгаши қарор қилади:

1. Бухоро вилояти ҳузуридаги географик объектларни номлаш ва қайта номлаш масалалари бўйича комиссиясининг 2025 йил 5 апрелдаги 06/764-01-11-сон мурожаатномаси ва географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида эксперт хулосаси маълумот учун қабул қилинсин.

2. Пешку туманидаги географик объект (кўча, тор кўча, берк кўча)ни номлари иловага мувофиқ тасдиқлансин.

3. Мазкур қарор ижросини назорат қилиш халқ депутатлари туман Кенгашининг Саноат, транспорт, қурилиш, коммунал соҳа ва аҳолига хизмат кўрсатиш бўйича доимий комиссияси зиммасига юклатилсин.

4. Мазкур қарор қабул қилинган кундан эътиборан кучга киради.