Ўзбекистон Республикаси Президентининг 2023 йил 11 сентябрдаги «Шаҳарсозлик фаолияти соҳасида давлат бошқаруви тизимини янада такомиллаштириш ҳамда 2023-2027 йилларда аҳоли пунктларининг шаҳарсозлик ҳужжатларини ишлаб чиқиш дастурларини тасдиқлаш чора-тадбирлари тўғрисида»ги ПҚ-299-сонли қарори билан тасдиқланган 2023-2027 йилларда қишлоқ аҳоли пунктларининг ҳудудларини шаҳарсозлик жиҳатидан ривожлантириш схемаларини ишлаб чиқиш жадвалига кўра, 2024 йилда Қўштепа тумани «Баландмасжид» МФЙ, Олтиариқ тумани «Жарқўрғон» МФЙ, Сўх тумани «Сохибкор» МФЙ, Тошлоқ тумани «Юқори қишлоқ» МФЙ, Бувайда тумани «Янги Қишлоқ» МФЙ, Данғара тумани «Қашқар» МФЙ, Қува тумани «Байналминал» МФЙ, Учкўприк тумани «Хасанқора» МФЙ ва Олтиариқ тумани «Қапчуғай» маҳалла фуқаролар йиғинларининг шаҳарсозлик жиҳатидан ривожлантириш схемаларини ишлаб чиқиш схемалари (бундан буён матнда - Ривожлантириш схемалари) ишлаб чиқиш, Қурилиш ва уй-жой коммунал хўжалиги вазирлиги, Фарғона вилояти Қурилиш ва уй-жой коммунал хўжалиги бошқармаси, «Қишлоққурилишлойиҳа» МЧЖ ва унинг филиаллари масъул ижрочи сифатида белгиланган.

Шунингдек, Ўзбекистон Республикасининг «Шаҳарсозлик кодекси»нинг 45-моддасида шаҳарсозлик ҳужжатлари ушбу Кодексда белгиланган ваколатларга мувофиқ Ўзбекистон Республикаси Вазирлар Маҳкамаси, махсус ваколатли давлат органи, Қоракалпоғистон Республикаси Жўқорғи Кенгеси, Халқ депутатлари вилоятлар ва Тошкент шаҳар Кенгашлари, буюртмачи томонидан тасдиқланиши белгиланган.

Шунга кўра, вилоят қурилиш ва уй-жой коммунал хўжалиги бошқармаси 2025 йил 7 августдаги 11-01-02/70701-сонли хати билан мурожаат қилиб, ушбу аҳоли пунктларининг шаҳарсозлик ҳужжатлари «Қишлоққурилишлойиҳа» МЧЖ томонидан ишлаб чиқилиб, туман ҳокимликлари томонидан жамоат кенгаши баёни билан ва вилоят Архитектура-шаҳарсозлик кенгашида кўриб чиқилиб маъқулланганлигини, ушбу шаҳарсозлик ҳужжатларини Халқ депутатлари вилоят Кенгаши томонидан тасдиқланишини сўраган.

Янги ривожлантириш схемалари Ўзбекистон Республикаси «Шаҳарсозлик кодекси» ва амалдаги шаҳарсозлик норма ва қоидалари талаблари асосида, Фарғона вилояти Қурилиш ва уй-жой коммунал хўжалиги бошқармасининг буюртма хати, икки томонлама тузилган шартнома ва лойиҳа топширғи бўйича 2024 йилда ишлаб чиқилган. Хусусан,

Қўштепа тумани «Баландмасжид» маҳалла фуқаролар йиғинининг хозирги ҳолатига кўра, аҳоли сони 5 502 нафарни, аҳоли пунктининг ер майдони 188,8 гектарни ташкил қилади, лойиҳавий хисоблашда аҳоли сони 6 879 нафарни, аҳоли пунктининг ер майдони 188,8 гектарни ташкил қилади.

Олтиариқ тумани «Жарқўрғон» маҳалла фуқаролар йиғинининг хозирги ҳолатига кўра, аҳоли сони 3 748 нафарни, аҳоли пунктининг ер майдони 871,0 гектарни ташкил қилади, лойиҳавий хисоблашда аҳоли сони 4826 нафарни, аҳоли пунктининг ер майдони 871,0 гектарни ташкил қилади.

Сўх тумани «Сохибкор» маҳалла фуқаролар йиғинининг хозирги ҳолатига кўра, аҳоли сони 2369 нафарни, аҳоли пунктининг ер майдони 770,4 гектарни ташкил қилади, лойиҳавий хисоблашда аҳоли сони 3051 нафарни, аҳоли пунктининг ер майдони 770,4 гектарни ташкил қилади.

Тошлоқ тумани «Юқори қишлоқ» маҳалла фуқаролар йиғинининг хозирги ҳолатига кўра, аҳоли сони 5 090 нафарни, аҳоли пунктининг ер майдони 260,0 гектарни ташкил қилади, лойиҳавий хисоблашда аҳоли сони 6 458 нафарни, аҳоли пунктининг ер майдони 260,0 гектарни ташкил қилади.

Бувайда тумани «Янги Қишлоқ»маҳалла фуқаролар йиғинининг хозирги ҳолатига кўра, аҳоли сони 5 131 нафарни, аҳоли пунктининг ер майдони 134,67 гектарни ташкил қилади, лойиҳавий хисоблашда аҳоли сони 6415 нафарни, аҳоли пунктининг ер майдони 134,67 гектарни ташкил қилади.

Данғара тумани «Қашқар» маҳалла фуқаролар йиғинининг хозирги ҳолатига кўра, аҳоли сони 6 587 нафарни, аҳоли пунктининг ер майдони 134,1 гектарни ташкил қилади, лойиҳавий хисоблашда аҳоли сони 8 235 нафарни, аҳоли пунктининг ер майдони 135,8 гектарни ташкил қилади.

Қува тумани «Байналминал» маҳалла фуқаролар йиғинининг хозирги ҳолатига кўра, аҳоли сони 3 200 нафарни, аҳоли пунктининг ер майдони 117,86 гектарни ташкил қилади, лойиҳавий хисоблашда аҳоли сони 4 121 нафарни, аҳоли пунктининг ер майдони 118,19 гектарни ташкил қилади.

Учкўприк тумани «Хасанқора» маҳалла фуқаролар йиғинининг хозирги ҳолатига кўра, аҳоли сони 3 876 нафарни, аҳоли пунктининг ер майдони 126,0 гектарни ташкил қилади, лойиҳавий хисоблашда аҳоли сони 4846 нафарни, аҳоли пунктининг ер майдони 126,0 гектарни ташкил қилади.

Олтиариқ тумани «Қапчуғай» маҳалла фуқаролар йиғинининг хозирги ҳолатига кўра, аҳоли сони 5126 нафарни, аҳоли пунктининг ер майдони 131,0 гектарни ташкил қилади, лойиҳавий хисоблашда аҳоли сони 6 650 нафарни, аҳоли пунктининг ер майдони 134,5 гектарни ташкил қилади.

Ушбу юқоридаги маҳалла фуқаролар йиғинлари ҳудудларини шаҳарсозлик жиҳатидан ривожлантириш схемалари «Қишлоққурилишлойиҳа» МЧЖ томонидан ишлаб чиқилиб, туман ҳокимликлари томонидан жамоат кенгаши баёни билан ҳамда вилоят қурилиш ва уй-жой коммунал хўжалиги бошқармаси ҳузуридаги Архитектура-шаҳарсозлик кенгашида кўриб чиқилиб, Кенгашнинг тегишли баённомалари билан тасдиқланган.

Шунингдек, мазкур масала вилоят Қурилиш ва уй-жой коммунал хўжалиги бош бошқармаси ҳузуридаги Архитектура ва шаҳарсозлик кенгашида кўриб чиқилиб, Кенгашнинг 2024 йил 19 ноябрдаги 47/01-сонли баёни тасдиқланган.

Мазкур бош режа лойиҳаларини ишлаб чиқишдан мақсади:

Аҳоли пункти ҳудудини аниқ функционал ҳудудларга ажратиш, ижтимоий ва иқтисодий ривожланиши, аҳолини уй-жой ва бошқа инфратузилма обектлари билан таъминланганлигини меёрий талаб даражасига олиб чиқиш, ҳудуддаги аҳоли учун хизмат қилиш тизимини қулайлаштириш, зарарли саноат ва ишлаб чиқариш корхоналирини шаҳар ҳудудидан чиқариб, уларни ўрнига замон талабларига мос, экологик тоза ишлаб чиқаришга ихтисослашган корхоналарни жойлаштириш билан атроф-мухитни тозалаш ва бошқа жараёнлардан иборатдир.

Шунингдек, ривожлантириш схемалари долзарблиги, кейинги йилларда республикада кескин ижтимоий-иқтисодий ўзгаришлар ва шаҳарсозлик соҳасида турар-жойлар ва ижтимоий-маиший обектлар қурилишини ривожлантириш ҳамда мухандислик-коммуникация ва йўл транспорт инфратузилмаларини янгилашни хисобга олган ҳолда режалаштиришнинг сиёсий шартлари билан асосланади.

Ривожлантириш схемаларини ишлаб чиқишда. бугунги кундаги иқтисодий, ижтимоий, ҳудудий ва ишлаб чиқариш салохиятлари ҳамда аҳолининг ўсиш суръатлари каби кўрсаткичлари ўрганиб чиқилиб, барча соҳалардаги кўрсаткичларни хукумат тошириқлари, давлат дастурларида белгиланган ҳамда шаҳарсозлик нуқтаи назаридан меёрий талабларга мослаштириш вазифаси қўйилган.

Ривожлантириш схемаларининг асосий ечимлари, маҳалла ҳудудини ихчам, ҳар тамонлама қулай аҳоли пунктига айлантириш.

Ўзбекистон Республикаси Шаҳарсозлик Кодексининг 45-моддаси ҳамда Ўзбекистон Республикаси Президентининг 2023 йил 11 сентябрдаги ПҚ-299-сонли қарорлари ижросини таъминлаш мақсадида, Ўзбекистон Республикасининг «Маҳаллий давлат ҳокимияти туғрисида»ги Қонунининг 6- ва 24-моддаларига асосан Халқ депутатлари вилоят Кенгаши қарор қилади:

1. Вилоят Қурилиш ва уй-жой коммунал хўжалиги бош бошқармасининг 2025 йил 7 августдаги 11-01-02/70701-сонли хати маълумот учун қабул қилинсин.

2. Вилоят Қурилиш ва уй-жой коммунал хўжалиги бош бошқармаси ҳузуридаги Архитектура ва шаҳарсозлик Кенгашининг 2024 йил 19 ноябрдаги 47/01-сонли баёни инобатга олинсин.

3. Қуйидагилар:

Қўштепа тумани «Баландмасжид» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 1-иловага мувофиқ;

Олтиариқ тумани «Жарқўрғон» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 2-иловага мувофиқ;

Сўх тумани «Сохибкор» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 3-иловага мувофиқ;

Тошлоқ тумани «Юқори қишлоқ» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 4-иловага мувофиқ;

Бувайда тумани «Янги Қишлоқ»маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 5-иловага мувофиқ тасдиқлансин.

Данғара тумани «Қашқар» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 6-иловага мувофиқ тасдиқлансин.

Қува тумани «Байналминал» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 7-иловага мувофиқ тасдиқлансин.

Учкўприк тумани «Хасанқора» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 8-иловага мувофиқ тасдиқлансин.

Олтиариқ тумани «Қапчуғай» маҳалла фуқаролар йиғини ҳудудларини шаҳарсозлик жиҳатидан ривожлантириш схемаси 9-иловага мувофиқ тасдиқлансин.

4. Қўштепа тумани (А.Абдуллаев), Олтиариқ тумани (Ш.Турдалиев), Бувайда тумани (Б.Ибрагимов), Сўх тумани (С.Сайидмусаев), Тошлоқ тумани (А.Джурабаев), Учкўприк тумани (Қ.Эркабоев),Ёзёвон тумани (Д.Джалилов) ва Қува тумани (Х.Умаров) ҳокимлари ҳамда вилоят Қурилиш ва уй-жой коммунал хўжалиги бош бошқармаси (Б.Рахимов) билан биргаликда ўз ваколатлари доирасида:

тегишли мутасадди ташкилот ва идораларни жалб этган ҳолда шаҳарсозлик жиҳатидан ривожлантириш схемалари мувофиқ, маҳалла фуқаролар йиғинлари ҳудудларини шаҳарсозлик жиҳатидан ва ижтимоий-иқтисодий ривожлантириш юзасидан комплекс чора-тадбирлар дастурини ишлаб чиқиб, тасдиқлаш;

маҳалла фуқаролар йиғинлари ҳудуди ерларидан мақсадсиз фойдаланишга ва ноқонуний қурилишларни амалга оширишга йўл қўймаслик юзасидан қатъий назорат ўрнатиш йўли билан улардан самарали фойдаланиш;

энергияни тежайдиган замонавий технологияларни жорий этиш орқали муҳандислик-коммуникация тузилмасини (сув, электр, газ, иссиқлик таъминоти, телекоммуникасия объектлари, канализасия, ирригасия) қуриш ва реконструкция қилиш йўли билан модернизасия қилиш;

кўп қаватли уй-жойлар, таълим, соғлиқни сақлаш, спорт, маданият, санъат ва дам олиш объектларини оқилона жойлаштириш ҳамда бош режага мувофиқ, инфратузилмани ривожлантириш тавсия этилсин.

5. Вилоят қурилиш ва уй-жой коммунал хўжалиги соҳасида назорат қилиш инспекцияси (Ш.Худайберганов), аҳоли пунктларининг тасдиқланган шаҳарсозлик ҳужжатларига асосан, қурилиш обектларини жойлаштирилишига қатъий амал қилинишини назоратга олсин.

6. «Қишлоққурилишлойиҳа» МЧЖ бош лойиҳа-қидирув институти, тасдиқланган шаҳарсозлик ҳужжатларини амалга оширилишида қонунчиликда белгиланган тартибда муаллифлик назоратини ўрнатсин.

7. Барча туман (шаҳар) ҳокимлари ҳар йили ўз ҳудудларининг шаҳарсозлик ҳужжатлари ижроси юзасидан тегишлилиги бўйича халқ депутатлари Кенгашларига ҳисобот тақдим этиб борсин.

8. Вилоят ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари Х.Долимов ҳар йили вилоят ҳудудларининг шаҳарсозлик ҳужжатлари ижроси юзасидан халқ депутатлари вилояр Кенгашига ҳамда Вазирлар Маҳкамаси ҳузуридаги Республика архитектура-шаҳарсозлик кенгашига ҳисобот тақдим этиб борсин.

9. Халқ депутатлари вилоят, тегишли туман Кенгашлари депутатлари Ўзбекистон Республикасининг «Халқ депутатлари вилоят, туман ва шаҳар кенгаши депутатининг мақоми тўғрисида»ги Қонунига асосан Ривожлантириш схемаларини ўз вақтида, тўлиқ, сифатли ва тизимли амалга оширилиши юзасидан депутатлик назоратини ўрнатсин.

Бунда, соҳа масъуллари томонидан амалга оширилаётган ишлар (тадбирлар)ни мониторинг қилган ҳолда жойида ўрганишлар олиб бориш, ўрганиш натижаларини маҳаллий Кенгашларнинг тегишли доимий комиссиялари йиғилишлари ҳамда Кенгаш сессияларида мухокама этиб борсин.

10. Вилоят ҳокимлиги ахборот хизмати (М.Сулаймонов) вилоятдаги телеканаллар, босма ва электрон оммавий ахборот воситалари орқали ривожлантириш схемалари доирасида амалга оширилаётган ишлар жараёнларини оммавий ахборот воситаларида доимий равишда ёритиб бориш тавсия этилсин.

11. Мазкур Кенгаш қарори ижросини назорат этиш Халқ депутатлари вилоят Кенгашининг «Коррупцияга қарши курашиш ва хавфсизлик масалалари бўйича» доимий комиссияси (Ш.Ғаниева) ҳамда вилоят ҳокимининг ўринбосари Х.Долимов зиммасига юклансин.