Ўзбекистон Республикасининг 2024 йил 24 декабрдаги «2025 йил учун Ўзбекистон Республикасининг Давлат бюджети тўғрисида»ги ЎРҚ-1011-сон Қонуни, Ўзбекистон Республикаси Бюджет Кодексига асосан туман Иқтисодиёт ва молия бўлимининг 2025 йил 3 сентябрдаги 221-02-07/258-сонли хати ҳамда депутатлар томонидан билдирилган фикр ва мулоҳазалардан келиб чиқиб «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига мувофиқ, халқ депутатлари Узун тумани Кенгаши қарор қилади:

1. туман Иқтисодиёт ва молия бўлимининг 2025 йил 3 сентябрдаги 221-02-07/258-сонли хати маълумот ва асос учун қабул қилинсин.

2. Халқ депутатлари Узун туман Кенгашининг 2025 йил 15 августдаги «2025 йилнинг II-чораги давомида Узун туман маҳаллий бюджети даромадлар режасининг белгиланган прогноз кўрсаткичларидан орттириб бажарилган қисми ҳисобидан маблағ ажратиш тўғрисида»ги VII-9-65-8-118-К/25-сон қарорининг 4-банди 7-хатбошидаги Ўзбекистон Республикаси Миллий олимпияда қўмитаси Сурхондарё вилояти ҳудудий бўлинмасининг 2025 йил 28 июль кунидаги 37-сонли хатига асосан «Олимпияда ва миллий спорт турларини ривожлантириш жамғармаси» фаолиятини қўллаб қувватлаш учун 100.0 млн сўм туман ҳокимлигига, деган жумласи,

Тумандаги 18 ёшдан юқори ёшдаги фуқароларни чет давлатларда қонуний ишга жойлашишлари учун чет тилларини ҳамда турли касб-ҳунарларга ўқитиш учун керакли жиҳоз ва техникалар харид қилиш учун 100.0 млн сўм туман ҳокимлигига йўналтирилсин деб ўқилсин.

3. Қарорнинг қолган қисми ўзгаришсиз қолдирилсин.

4. Ушбу қарорнинг бажарилишини назорат қилиш туман ҳокимининг биринчи ўринбосари Б.Хасанов ҳамда халқ депутатлари Узун туман Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси А.Камолов зиммасига юклатилсин.

5. Ушбу Қарор қабул қилинган кундан кучга киради.