Туман маҳаллий бюджети маблағларини мақсадли сарфланишини ташкил этиш, харажатларни соҳалар бўйича тўғри тақсимлаш орқали маблағларнинг иқтисод қилинишига эришиш, кредитор қарздорликларга йўл қўймаслик мақсадида Ўзбекистон Республикаси Бюджет кодексининг 28-, ва 148-моддаларига асосан халқ депутатлари Шўрчи тумани Кенгаши қарор қилади:

1. Туман Иқтисодиёт ва молия бўлимининг 2025 йил 04 июлдаги туман маҳаллий бюджетининг харажатлари ёйилмасига ўзгартириш киритиш тўғрисидаги 01-01-38/23-сонли хати инобатга олинсин.

2. Туман маҳаллий бюджетдан маблағ олувчи бюджет ташкилотларининг 2025 йил II чорак харажатлари ёйилмасига иловага мувофиқ ўзгартиришлар киритилсин.

3. Киритилган ўзгартиришлар туман маҳаллий бюджетидан маблағ олувчи бюджет муассасаларининг 2025 йил тасдиқланган харажатлар ёйилмасига нисбатан 5 фоиз миқдорида эканлиги эътироф этилсин.

4. Туман Иқтисодиёт ва молия бўлими (А.Соатов) га туман маҳаллий бюджетидан маблағ олувчи бюджет ташкилотларининг 2025 йил II чорак харажатлар ёйилмасига иловага мувофиқ ўзгартириш киритиш вазифаси юклатилсин.

5. Туман ҳокимининг биринчи ўринбосари (М.Чоршанбиев), туман Иқтисодиёт ва молия бўлими (А.Соатов)лар қарорнинг ижроси бўйича амалга оширилган ишлар юзасидан ҳар ой якуни билан халқ депутатлари туман Кенгашига ҳисобот тақдим этиб бориши белгиланганлиги таъкидлаб ўтилсин.

6. Ушбу қарорнинг бажарилишини назорат қилиш туман ҳокимининг биринчи ўринбосарлари (М.Чоршанбиев) ҳамда халқ депутатлари Шўрчи тумани Кенгашининг маҳаллий бюджетни шакллантириш ва уни ижро этиш, иқтисодий ислоҳотларни амалга ошириш ҳамда тадбиркорликни ривожлантириш масалалари бўйича доимий комиссияси (М.Юлдошев) зиммасига юклатилсин.

7. Ушбу қарор қабул қилинган кундан кучга киради.