Ўзбекистон Республикаси Иқтисодиёт ва Молия вазирлиги ҳузуридаги кадастр агентлиги Республика аэрогеодезия маркази Сурхондарё ҳудудлараро бўлинмасининг 2025 йил 23 апрелдаги 01-81-сонли хати ҳамда Деҳқонобод туман ҳокимлигининг 2025 йил 8 майда ўтказилган Б-01-05/56-сонли йиғилиш баёнига асосан Халқ депутатлари Деҳқонобод тумани Кенгашининг 2024 йил 4 сентябрдаги VI-66-96-4-57-К/24-сонли қарорига ўзгартириш ва қўшимчалар киритиш тўғрисидаги таклифини кўриб чиқиб «Маҳаллий давлат ҳокимияти тўғрисида»ги Ўзбекистон Республикаси Қонунининг 6- ва 24-моддаларига мувофиқ Халқ депутатлари Деҳқонобод туман Кенгаши қарор қилади:

1. Ўзбекистон Республикаси Иқтисодиёт ва Молия вазирлиги ҳузуридаги кадастр агентлиги Республика аэрогеодезия маркази Сурхондарё ҳудудлараро бўлинмасининг 2025 йил 23 апрелдаги 01-81-сонли хати ҳамда Деҳқонобод туман ҳокимлигининг 2025 йил 8 майда ўтказилган Б-01-05/56-сонли йиғилиш баёнига асосан Халқ депутатлари Деҳқонобод тумани Кенгашининг 2024 йил 4 сентябрдаги VI-66-96-4-57-К/24-сонли қарорига ўзгартириш ва қўшимчалар киритиш тўғрисидаги таклифи маълумот учун қабул қилинсин.

2. Деҳқонобод туманининг чегараси тавсифи 1-иловага ҳамда Деҳқонобод тумани маъмурий-ҳудудий чегараларини белгилаш ишлари картографик чизмаси 2-иловага мувофиқ маъқуллансин.

3. Халқ депутатлари Деҳқонобод тумани Кенгашининг 2024 йил 4 сентябрдаги VI-66-96-4-57-К/24-сонли қарорининг 1-2-иловалари ўз кучини йўқотган деб ҳисоблансин.

4. Ушбу қарорнинг тасдиғи халқ депутатлари вилоят Кенгашидан сўралсин.

5. Ушбу қарор қабул қилган кундан кучга киради.