Ўзбекистон Республикасининг «2025 йил учун Ўзбекистон Республикасининг Давлат бюджети тўғрисида»ги Қонунига асосан туман ҳокимлигининг туман маҳаллий бюджетининг Ер участкаларига бўлган ҳуқуқларни сотишдан тушган пул маблағларини йўналтириш тўғрисидаги таклифларини кўриб чиқиб, Халқ депутатлари Андижон туман Кенгаши қарор қилади:

1.Туман маҳаллий бюджетининг 2025 йил 2-чорак якуни бўйича Ер участкаларига бўлган ҳуқуқларни сотишдан тушган пул маблағлари қисми 446 млн 551 минг (тўрт юз қирқ олти миллион беш юз эллик бир минг) сўм миқдорида шакланганлиги маълумот учун қабул қилинсин.

2. 2025 йил 2-чорак якуни бўйича Ер участкаларига бўлган ҳуқуқларни сотишдан тушган 446 млн 551 минг (тўрт юз қирқ олти миллион беш юз эллик бир минг) сўм миқдоридаги маблағлар давлат ва жамият эҳтиёжлари учун ер участкаларининг олиб қўйилиши муносабати билан жисмоний ва юридик шахсларга етказилган зарарларни қоплаш бўйича ҳудудий жамғармасига йўналтирилсин.

3. Туман ҳокимининг биринчи ўринбосари – иқтисодиёт ва молия бўлими бошлиғи И.Мукимжонов:

Ўзбекистон Республикасининг «2025 йил учун Ўзбекистон Республикасининг Давлат бюджети тўғрисида»ги Қонуни ва Ўзбекистон Республикаси Бюджет кодекси талаблари асосида туман маҳаллий бюджетининг тасдиқланган параметрларига белгиланган тартибда тегишли ўзгартиришларни киритиш;

- туман ғазначилик бўлинмасига ажратиладиган маблағлар бўйича шартномаларни ўз вақтида белгиланган тартибда рўйхатдан ўтказиш ва харажатларни амалга оширилишини таъминласин.

4. Мутасадди ташкилотлар ажратилган маблағларни мақсадли ва самарали ишлатилишини таъминласин.

5. Мазкур қарор бажарилишини ижроси туман ҳокимининг биринчи ўринбосари И.Муқимжонов, бажарилишини назорат қилиш халқ депутатлари туман Кенгашининг Маҳаллий бюджетни шакллантириш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси ва зиммасига юклатилсин.