Ўзбекистон Республикасининг «Маҳаллий давлат ҳокимияти тўғрисида»ги қонунининг 6, 24-моддаларига, 2024 йил 24 декабрдаги «2025 йил учун Ўзбекистон Республикасининг Давлат бюджети тўғрисида»ги ЎРҚ-1011-сон қонунининг 13-моддаси, Вазирлар Маҳкамасининг 2024 йил 16 апрелдаги «Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида»ги 204-сон қарорига, 2025 йил 31 июлдаги Сирдарё вилояти «Иссиқлик таъминоти» МЧЖнинг (бундан буён матнда-МЧЖ деб юритилади) 19-сонли, Рақобатни ривожлантириш ва истеъмолчилар ҳуқуқларини ҳимоя қилиш қўмитаси вилоят ҳудудий бошқармасининг 2025 йил 1 июлдаги 02-08/1082-сонли, вилоят Иқтисодиёт ва молия бош бошқармасининг 2025 йил 31 июлдаги 04/17/38-683-сонли хатларини муҳокама қилиб, вилоятда иссиқлик энергияси ва иссиқ сув таъминоти хизматлари тарифларини тартибга солиш мақсадида Халқ депутатлари Сирдарё вилояти Кенгаши қарор қилади:

1. Ўзбекистон Республикасининг 2024 йил 24 декабрдаги «2025 йил учун Ўзбекистон Республикасининг Давлат бюджети тўғрисида»ги ЎРҚ-1011-сон қонуни ижро учун қабул қилинсин.

2. МЧЖнинг 2025 йил 31 июлдаги 19-сонли, Рақобатни ривожлантириш ва истеъмолчилар ҳуқуқларини ҳимоя қилиш қўмитаси вилоят ҳудудий бошқармасининг 2025 йил 1 июлдаги 02-08/1082-сонли ва вилоят Иқтисодиёт ва молия бош бошқармасининг 2025 йил 31 июлдаги 04/17/38-683-сонли хатлари маълумот учун қабул қилинсин.

3. МЧЖ томонидан ишлаб чиқилган ҳамда мутасадди ташкилотлар томонидан иссиқлик энергияси ва иссиқ сув таъминоти хизматлари тарифларини тартибга солиш юзасидан тақдим этилган хулосалар асосида 2024, 2025 йиллар куз-қиш мавсумида иситиш хизматлари тариф нархлари иловага мувофиқ маъқуллансин.

4. МЧЖ раҳбари (А.Исломов) марказий қозонхоналар ўрнатилган туман ва шаҳарларда аниқ манзилли ва муддатли режа-график асосида аҳоли ўртасида иссиқлик энергияси ва иссиқ сув таъминоти учун онлайн тўловларни амалга ошириш бўйича турли шаклдаги семинарлар ташкил этсин ва натижаси юзасидан жорий йилнинг якунига қадар Халқ депутатлари Сирдарё вилояти Кенгашига ёзма ахборот киритсин.

5. Сирдарё вилояти телерадиокомпанияси (З.Дархонов), «Янги Сирдарё» ва «Новая Сырдаря» газеталари таҳририяти (Б.Боймуродов)га соҳада амалга оширилаётган ишларни оммавий ахборот воситалари ва ижтимоий тармоқларда кенг ёритиб бориш тавсия этилсин.

6. Вилоят ҳокимлиги, МЧЖ раҳбари А.Исломовга:

Ўзбекистон Республикасининг «Янги таҳрирдаги Ўзбекистон Республикаси Конституцияси қабул қилинганлиги муносабати билан Ўзбекистон Республикасининг айрим қонун ҳужжатларига маҳаллий давлат ҳокимияти органлари фаолиятини такомиллаштиришга қаратилган ўзгартириш ва қўшимчалар киритиш тўғрисида»ги қонунининг 21¹-моддасига мувофиқ вилоятда иситиш хизматлари тариф нархларини қонун ҳужжатлари асосида кўриб чиқсин.

7. Мазкур қарор бажарилишини назорат қилиш Халқ депутатлари вилоят Кенгаши Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси А.Бобобеков зиммасига юклатилсин.

8. Ушбу қарор қабул қилинган кундан бошлаб кучга киради.