Ўзбекистон Республикаси Бюджет кодексининг 148-моддасига асосан, Халқ депутатлари Бандихон тумани Кенгашининг 2024 йил 27 декабрдаги «Бандихон туманининг 2025 йилги маҳаллий бюджетини тасдиқлаш тўғрисида» VII-04-017-8-211-К/24-сон қарорига ўзгартишлар киритиш мақсадида Халқ депутатлари Бандихон тумани Кенгаши қарор қилади:

1. Халқ депутатлари Бандихон тумани Кенгашининг 2024 йил 27 декабрдаги «Бандихон туманининг 2025 йилги маҳаллий бюджетини тасдиқлаш тўғрисида» VII-04-017-8-211-К/24-сон қарорининг 2-иловаси ўз кучини йўқотган деб ҳисоблансин ва 1-иловага мувофиқ қайта тасдиқлансин.

2. 2024 йил 27 декабрдаги VII-04-017-8-211-К/24-сон Кенгаш қарорига киритилган ўзгартишлар бюджет муассасалари кесимида амалга оширилаётганлиги маълумот учун қабул қилинсин.

3.Ўзбекистон Республикаси Бош вазири ўринбосарининг 2025 йил 27 февралдаги «Ҳудудларда 2025 йилда «тежамкорлик ва барқарорликни таъминлаш» тамойили асосида бюджет маблағларидан оқилона фойдаланиш ва самарадорлигини ошириш чора-тадбирлари тўғрисида» 03-03/1-4456-сон билан рўйхатдан ўтказилган 6-сон йиғилиш баёнига асосан Бандихон тумани маҳаллий бюджет маблағлари ҳисобидан мақбуллаштирилганлиги маълумот учун қабул қилинсин.

4. Мазкур қарор бажарилишини назорат қилиш Халқ депутатлари туман Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар бўйича доимий комиссияси зиммасига юклансин.

5. Ушбу қарор қабул қилинган кундан кучга киради.