Ўзбекистон Республикасининг «Ўзбекистон Республикасининг Маъмурий-ҳудудий тузилиши тўғрисида»ги ЎРҚ-635-сон Қонунининг 27-моддасига асосан шаҳарчаларнинг, қишлоқларнинг ва овулларнинг чегараларини ўзгартириш халқ депутатлари вилоят Кенгашлари томонидан тегишли туманлар ҳокимларининг илтимосномалари асосида амалга оширилади. Тегишли туман ҳокими халқ депутатлари вилоят Кенгашига тегишли туман халқ депутатлари Кенгашининг шаҳарча, қишлоқ ёки овулнинг чегараларини ўзгартириш масаласига доир қарорини тақдим этилиши белгиланган.

Ўзбекистон Республикаси Вазирлар Маҳкамасининг 2018 йил 23 апрелдаги 299-сонли қарорининг 1-иловаси билан тасдиқланган «Маъмурий-ҳудудий бирликлар чегараларини белгилаш тартиби тўғрисида»ги Низом ижроси юзасидан ҳамда туман ҳокимининг 2025 йил 28 майдаги 125-9-123-Қ/25-сонли қарорига асосан Республика аэрогеодезия маркази Самарқанд ҳудудлараро бўлинмаси томонидан Сирдарё вилояти Боёвут туманининг маъмурий-ҳудудий бирликлар чегараларини белгилаш ишларининг якунига кўра умумий периметри ва майдонлари аниқланди. Тумандаги шаҳарча ва қишлоқларнинг умумий узунлиги ва умумий майдонлари қуйидагилардан иборат,

1. Буюк юрт қишлоғининг умумий периметри 39120,76 метр, умумий майдони 7388,33 гектар;

2. Дарвозақир қишлоғининг умумий периметри 37655,49 метр, умумий майдони 5857,14 гектар;

3. Деҳқонобод қишлоғининг умумий периметри 29994,11 метр, умумий майдони 2919,24 гектар;

4. Дўстлик қишлоғининг умумий периметри 50939,70 метр, умумий майдони 7065,34 гектар;

5. Ғаллакор қишлоғининг умумий периметри 46587,12 метр, умумий майдони 10243,48 гектар;

6. Истиқбол қишлоғининг умумий периметри 28662,17 метр, умумий майдони 2561,20 гектар;

7. Лайлаккўл қишлоғининг умумий периметри 23043,97 метр, умумий майдони 1441,71 гектар;

8. Маданият қишлоғининг умумий периметри 18293,99 метр, умумий майдони 1390,70 гектар;

9. Мингчинор қишлоғининг умумий периметри 24782,35 метр, умумий майдони 1805,60 гектар;

10. Олмазор қишлоғининг умумий периметри 34036,74 метр, умумий майдони 4193,49 гектар;

11. Табаррук қишлоғининг умумий периметри 36065,09 метр, умумий майдони 5551,56 гектар;

12. Боёвут шаҳарчасининг умумий периметри 18499,00 метр, умумий майдони 745,00 гектар;

13. Бекат шаҳарчасининг умумий периметри 6907,17 метр, умумий майдони 165,77 гектар;

14. Марказ шаҳарчасининг умумий периметри 6096,03 метр, умумий майдони 151,78 гектар;

15. Дўстлик шаҳарчасининг умумий периметри 9342,42 метр, умумий майдони 193,27 гектар;

Боёвут тумани маъмурий-ҳудудий бирликлар чегараларини белгилашда шаҳарча ва қишлоқлар чегаралари ажратиб кўрсатилган ҳолда тавсифланди. Чегаралар чизиғининг ёзувли матни тавсифида жойнинг тегишли топографик элементлари билан боғланиб, чегара нуқталари ўртасидаги масофаси ва чегара чизиғининг қутб йўналишлари акс эттирилган. Чегара чизиғининг бурилиш нуқталари координаталари кўрсатилган.

Кун тартибидаги масала юзасидан Давлат кадастрлар палатаси Боёвут тумани филиали раҳбарининг ахбороти тингланиб, унда Боёвут туманининг ташқи маъмурий-ҳудудий чегараси (Ўзбекистон Республикаси Президенти раҳбарлигида 2023 йил 21 ноябрь куни кенгайтирилган тарзда ўтказилган видеоселектор йиғилишининг 41-сон баёни 20-банди, Бош вазирнинг 2023 йил 15 декабрдаги 03/4.3-253-сон билан тасдиқланган «Йўл харитаси» ижроси ҳамда Ўзбекистон Республикаси Президентининг «Сирдарё вилоятида ишбилармонлик муҳитини, инфратузилма ва аҳоли турмуш даражасини янада яхшилаш чора-тадбирлари тўғрисида» 2025 йил 6 мартдаги ПҚ-93-сон қарори ва Ўзбекистон Республикаси Бош вазири томонидан 2025 йил 17 апрелдаги 20/1-781-сон билан тасдиқланган «Назорат режа»сининг ижроси бўйича 2025 йил 23 июлда ВИИ-17-131-9-0-К/25-сонли Халқ депутатлари Сирдарё вилояти Кенгаши қарори қабул қилинганлиги), Республика аэрогеодезия маркази Самарқанд ҳудудлараро бўлинмаси томонидан бажарилган шаҳарча ҳамда қишлоқлар маъмурий-ҳудудий чегаралари тўғрисида тақдим этилган маълумотлар бўйича фикр ва мулоҳазаларини ҳамда таклиф ва тавсияларини атрофлича ўрганиб чиқиб, «Ўзбекистон Республикасининг Маъмурий-ҳудудий тузилиши тўғрисида»ги Қонуннинг 27-моддаси ҳамда Ўзбекистон Республикаси «Маҳаллий давлат ҳокимияти тўғрисида»ги Қонуннинг 6 ва 24-моддаларига асосан, халқ депутатлари туман Кенгаши қарор қилади:

1. Давлат кадастрлар палатаси Боёвут тумани филиали раҳбари С.Шербаевнинг Боёвут туманидаги маъмурий-ҳудудий бирликлар чегараларини белгилаш тўғрисидаги ахбороти ҳамда Республика аэрогеодезия маркази Самарқанд ҳудудлараро бўлинмаси томонидан Боёвут туманидаги шаҳарча ва қишлоқларнинг чегараларини белгилаш бўйича бажарилган ишларнинг якуний натижаларини кўриб чиқиш юзасидан туман ҳокимлигида тузилган комиссия таркибининг 2025 йил 6 августдаги 1/01-29-сонли йиғилиш баёни маълумот ва асос учун қабул қилинсин.

2. Боёвут туманидаги шаҳарча ва қишлоқларининг маъмурий-ҳудудий чегараларини белгилаш масалаларини кўриб чиқиш бўйича туман комиссияси томонидан ўрганиб чиқилган материалларга асосан тайёрланган таклиф лойиҳаси ИД-108673 рақам билан 15 кун муддатга «Э-Кенгаш» электрон тизими (регулатион.гов.уз) орқали жамоатчилик муҳокамасига эълон қилинганлиги қайд этилсин.

3. Боёвут туманидан Гулистон шаҳрига ҳамда Ширин шаҳрига ўтказилаётган ер майдонлари Ўзбекистон Республикаси Олий Мажлиси Сенатининг қарорига асосан туманнинг маъмурий-ҳудудий чегарасига ўзгартириш киритилиши инобатга олинсин.

4. Боёвут туманидаги шаҳарча ва қишлоқларнинг чегараларини белгилаш ишлари якуний натижалари узунлиги ва майдонлари тўғрисидаги маълумот 1-иловага мувофиқ, шаҳарча ва қишлоқларнинг чегараларини белгилаш бўйича картографик чизмаси 2-иловага мувофиқ маъқуллансин.

5. Ушбу қарорнинг тасдиғи халқ депутатлари Сирдарё вилояти Кенгашидан сўралсин.

6. Мазкур қарорнинг ижросини назорат қилиш туман ҳокимининг барча ўринбосарлари ҳамда халқ депутатлари туман Кенгашининг доимий комиссиялари зиммаларига юклансин.