Ўзбекистон Республикасининг «Таълим тўғрисида»ги қонунининг 27-, 47- моддалари, Вазирлар Маҳкамасининг 2017 йил 15 мартдаги 140-сон қарори билан тасдиқланган «Умумий ўрта таълим тўғрисида»ги низомнинг 39-, 41-бандлари, Вазирлар Маҳкамасининг 2019 йил 7 июндаги 469-сон қарори билан тасдиқланган «Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг» маъмурий регламентининг 3-, 4-, 8-бандларига асосан, «Маҳаллий давлат ҳокимияти тўғрисида»ги Қонунининг 6-, 25-моддаларига мувофиқ, қарор қиламан:

1. Туман Адлия бўлимининг 2025 йил 1 август кунидаги 41/1-5/115-сонли тақдимномаси, туман Мактабгача ва мактаб таълими бўлимининг 2025 йил 17 июлдаги 01-1427- сонли хати маълумот учун қабул қилинсин.

2. Тумандаги умумий ўрта таълим мактабларини шаҳарча, қишлоқ ва маҳалла фуқаро йиғинларидаги ҳудуд ва микроҳудудларга бириктириш ҳақидаги рўйхати иловага мувофиқ тасдиқлансин.

3. Туман ҳокимининг ўринбосари (З.Абданов)га, Мактабгача ва мактаб таълими бўлими (С.Абдиев)га ва тумандаги умумий ўрта таълим муассасалари раҳбарларининг зиммаларига:

- мактаб ёшидаги болаларни умумий ўрта таълимга 7 ёшга тўладиган йилда тўлиқ қамраб олиш;

· ўқувчиларнинг дарсларга қатнашиш ҳолати юзасидан доимий мониторинг олиб бориш;

· мониторинг натижасида аниқланган муаммоларни бартараф этиш бўйича зарур чоралар кўриш вазифаси топширилсин.

4. Белгилансинки, тумандаги умумий ўрта таълим муассасалар раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумий ўрта таълим муассасасига ўқишга жалб қилиш учун масъул ҳисобланади.

5. Ўзбекистон маҳаллалар уюшмаси Узун туман бўлимига ҳамда маҳалла фуқаролар йиғини раисларига:

· мактаб ёшидаги болаларни умумий ўрта таълим муассасаларига қамраб олиш жараёнида туман Мактабгача ва мактаб таълими бўлими ҳамда умумий ўрта таълим муассасаларига амалий ёрдам бериш тавсия этилсин.

6. Узун туман ҳокимининг 2025 йил 29 июлдаги «Узун тумани ҳокимининг 2022 йил 30 июндаги «Узун туманидаги давлат умумий ўрта таълим муассасаларининг микроҳудудларини белгилаш тўғрисида»ги 278-8- 118-Қ/22-сонли қарорининг иловасига ўзгартириш ва қўшимчалар киритиш тўғрисида»ги 170-8-118-Қ/25-сонли қарори ва Узун тумани ҳокимининг 2022 йил 30 июндаги «Узун туманидаги давлат умумий ўрта таълим муассасаларининг микроҳудудларини белгилаш тўғрисида»ги 278-8-118-Қ/22-сонли қарорлари ўз кучини юқотган деб ҳисоблансин..

7. Мазкур қарор «Боботоғ тонги» газетасида расмий эълон қилинсин ҳамда туман ҳокимлигининг веб-сайтига жойлаштирилсин.

8. Ушбу қарор расмий эълон қилинган кундан бошлаб кучга киради.

9. Ушбу қарорнинг бажарилишини назорат қилиш туман ҳокимининг ўринбосари З.Абданов ва туман Мактабгача ва мактаб таълими бўлими мудири С.Абдиев зиммаларига юклатилсин.