Ўзбекистон Республикаси Бюджет кодексининг 126-моддасига асосан маҳаллий бюджетларнинг қўшимча манбалари халқ депутатлари туман Кенгашининг қарорларига асосан йўналтирилади.

Шунга кўра, Ўзбекистон Республикаси Бюджет кодексининг 119-моддасига асосан туман маҳаллий бюджетининг 2025 йил ижроси жараёнида мақбуллаштирилган харажатлар ҳисобига бўшаб қолган маблағларни қўшимча манба сифатида йўналтириш бўйича туман ҳокимлигидан таклифлар халқ депутатлари туман Кенгашига киритилган.

Ўз навбатида, ушбу таклифлар Ўзбекистон Республикаси Олий Мажлиси Сенати Кенгашининг 2024 йил 29 ноябрдаги КҚ-5-V-сонли қарорига асосан жамоатчилик муҳокамасидан ўтказиш учун белгиланган тартибда норматив-ҳуқуқий ҳужжатлар лойиҳалари («регулатион.гов.уз») порталига жойлаштирилган.

Ўзбекистон Республикаси Бюджет кодексининг 27 ва 119, 126-моддалари ҳамда «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига мувофиқ халқ депутатлари Қоровулбозор тумани Кенгаши қарор қилади:

1. Туман ҳокимининг биринчи ўринбосари - туман иқтисодиёт ва молия бўлими бошлиғи Ғ.Ниёзовнинг таклифларига асосан Қоровулбозор тумани маҳаллий бюджети ижроси жараёнида харажатларни мақбуллаштириш ҳисобига бўшаб қолган маблағларни туман маҳаллий бюджетининг қўшимча манбалари сифатида шаклланганлиги муносабати билан ушбу маблағлар ҳисобидан туманда ижтимоий-иқтисодий аҳамиятдаги тадбирларни ўз вақтида молиялаштириш учун иловага мувофиқ йўналтиришга розилик берилсин.

2. Туман иқтисодиёт ва молия бўлими ҳамда туман Ғазначилик хизмати:

амалдаги бюджет қонунчилиги талаблари асосида мақбуллаштирилган харажатлар ҳисобига бўшаб қолган маблағларни туман маҳаллий бюджетининг 2025 йил қўшимча манбалари сифатидайўналтириш юзасидан тегишли ўзгартиришларни белгиланган тартибда киритиш;

ажратилган маблағларнинг мақсадли сарфланиши юзасидан тизимли мониторинг юритиш, иқтисод қилинган маблағларни туман бюджетига қайтариш бўйича таклифларнинг киритилишини таъминлаш топширилсин.

3. Мазкур қарорнинг ижросини таъминлаш туман ҳокимининг молия-иқтисод ва камбағалликни қисқартириш бўйича биринчи ўринбосари - туман иқтисодиёт ва молия бўлими бошлиғи Ғ.Ниёзовга ҳамда ижросини назорат қилиш халқ депутатлари туман Кенгашининг Маҳаллий бюджет, иқтисодий ислоҳотларни амалга ошириш, инвестисиялар ва тадбиркорликни ривожлантириш бўйича доимий комиссияси (Ш.Сувонов) зиммасига юклатилсин.