Ўзбекистон Республикаси «Йўл ҳаракати хавфсизлиги тўғрисида»ги Қонуни, Ўзбекистон Республикаси Вазирлар Маҳкамасининг 2022 йил 12 апрель кунги «Йўл ҳаракати қоидаларини тасдиқлаш тўғрисида»ги 172-сон қарори ижросини таъминлаш мақсадида ДХХ ЧҚ 9114-сонли харбий қисмнинг 2025 йил 21 июлдаги мурожаатида И.Каримов номидаги кичик халқа йўлида (Темир йўл кўчаси) автомобилларни ҳарбий қисимга кириш ва чиқишда ҳаракат хавфсизлигини таъминлаш ҳамда автомобилларни ҳарбий қисм атроф ҳудудида узоқ вақт тўхтаб туриш ҳолатларини олдини олиш масаласини ҳал этиш сўралган.

Фарғона шаҳрида автотранспорт воситаларининг ҳаракатини тартибга солиш бўйича Фарғона шаҳар Ички ишлар бошқармасининг 2024 йил 28 июлдаги 33/1132-сон хатини кўриб чиқиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6, 21¹-моддаларига асосан, қарор қиламан:

1. Фарғона шаҳар Ички ишлар бошқармасининг 2024 йил 28 июлдаги 33/1132-сон хулосаси ҳамда ДХХ ЧҚ 9114-сонли харбий қисмнинг 2025 йил 21 июлдаги мурожаат хати инобатга олинсин.

2. Фарғона шаҳрида йўл ҳаракати хавфсизлигини таъминлаш, транспорт воситалари ҳаракатини тартибга солиш мақсадида:

Фарғона шаҳар М.Каримов номидаги кичик халқа йўли ва Ал-Фарғоний кўчаси кесишган чоррахадан ўнга ҳаракатланишдаги чорраханинг иккинчи даражали ўнга бурилишга 2.5 «Тўхтамасдан ҳаракатланиш тақиқланади» ва 3.27 «Тўхташ тақиқланади» йўл белгилари белгиланган тартибда ўрнатилсин.

3. Фарғона шаҳар Ички ишлар бошқармаси Йўл ҳаракати хавфсизлиги бўлими (Р.Деҳқонов):

Фарғона вилояти Фарғона вилояти Ички ишлар бошқармаси Жамоат хавфсизлиги хизмати Йўл ҳаракати хавфсизлиги бошқармаси билан ҳамкорликда мазкур қарорда белгиланган кўчаларда йўл белгиси ўрнатилишини ташкил этсин ҳамда мазкур ҳудудларда автомобиллар ҳаракати чекланишини назорат қилиб борсин.

4. Фарғона шаҳар ҳокимлиги Ахборот хизмати ушбу қарорни оммавий ахборот воситалари ҳамда ижтимоий тармоқларда ёритиш чораларини кўрсин.

5. Мазкур қарор ижросини таъминлаш Фарғона шаҳар ҳокимининг ўринбосари Ж.Бахтиёров ҳамда Ички ишлар бошқармаси бошлиғи А.Ашуров зиммасига юклансин.