Ўзбекистон Республикаси «Реклама тўғрисида»ги 2022 йил 7 июндаги ЎРҚ-776-сон Қонунинг 26-моддаси талаблари ва Вазирлар Макамасининг 2018 йил 30 августдаги «Ташқи рекламани жойлаштириш соҳасидаги фаолиятни янада такомиллаштириш чора-тадбирлари тўғрисида»ги 702-сон, 2020 йил 20 февралдаги «Ташқи реклама бозорини тартибга солиш тўғрисида»ги 104-сон, 2023 йил 31 августдаги «Ташқи реклама ва ижтимоий аҳборотнинг айланиши соҳасидаги муносабатларни тартибга солишни янада такомиллаштириш чора-тадбирлари тўғрисида»ги 428-сон қарорлари ҳамда вилоят ҳокимлигининг 2025 йил 27 июндаги 10-2655-сонли хатини ҳамда Рақобатни ривожлантириш ва истемолчилар ҳуқуқини ҳимоя қилиш бошқармаси бошлиғи Ф.Солохитдиновнинг хисоботини муҳокама қилиб, «Маҳаллий давлат ҳокимияти тўғрисида»ги қонуннинг 6 ва 24-моддаларига асосан, Халқ депутатлари Наманган вилояти Кенгаши қарор қилади:

1. Ўзбекистон Республикаси «Реклама тўғрисида»ги 2022 йил 7 июндаги ЎРҚ-776-сон қонуни, 2020 йил 20 февралдаги «Ташқи реклама бозорини тартибга солиш тўғрисида»ги 104-сон, 2023 йил 31 августдаги «Ташқи реклама ва ижтимоий аҳборотнинг айланиши соҳасидаги муносабатларни тартибга солишни янада такомиллаштириш чора-тадбирлари тўғрисида»ги 428-сон раҳбарлик ва ижро учун, Рақобатни ривожлантириш ва истемолчилар ҳуқуқини ҳимоя қилиш бошқармаси бошлиғи Ф.Солохитдиновнинг хисоботи маълумот учун қабул қилинсин.

2. Вазирлар Макамасининг 2020 йил 20 февралдаги «Ташқи реклама бозорини тартибга солиш тўғрисида»ги 104-сонли қарорининг 93-бандига мувофиқ вилоятда ташқи реклама ва ахборот объектларини (конструкцияларини) ўрнатиш чизмалари, шунингдек, уларга ўзгартириш ва қўшимчалар ўрнатиш чизмалари иловага мувофиқ мақуллансин.

3. Вилоят ҳокимлиги, Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Наманган вилояти ҳудудий бошқармаси бошлиғи Ф.Солохитдиновга:

Ўзбекистон Республикасининг «Янги таҳрирдаги Ўзбекистон Республикаси Конституцияси қабул қилинганлиги муносабати билан Ўзбекистон Республикасининг айрим қонун ҳужжатларига маҳаллий давлат ҳокимияти органлари фаолиятини такомиллаштиришга қаратилган ўзгартириш ва қўшимчалар киритиш тўғрисида»ги қонунининг «211-моддасига мувофиқ, мазкур чизмаларини қонун ҳужжатлари асосида кўриб чиқсин.

4. Ушбу қарор расмий эълон қилинган кундан эътиборан кучга киради.

5. Вилоят ҳокимлиги матбуот хизмати (И.Рахматов), «Наманганская правда» ва «Наманган хақиқати» газеталари таҳририяти бош муҳаррири (О.Инамов ва Х.Пайзиев) газеталарида эълон қилинсин ҳамда вилоят ҳокимлигининг расмий веб сайтига жойлаштирилсин.

6. Ушбу қарор ижросини таъминлаш вилоят ҳокимининг биринчи ўринбосари З.Бахриддиновга, назорат қилиш Халқ депутатлари вилоят Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси зиммасига юклатилсин.