Ўзбекистон Республикаси Бюджет кодексига асосан 2025 йилда туман маҳаллий бюджетининг ижросини сифатли якунлаш ва бу борада ҳудудий бюджет маблағларини тақсимловчиларини кредиторлик қарзлар вужудга келишини олдини олиш шунингдек, «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддаларига асосан халқ депутатлари Жомбой тумани Кенгашининг ўн олтинчи сессияси қарор қилади:

1. Жомбой тумани маҳаллий бюджети харажатларини 2025 йилда мақбуллаштириш натижасида шаклланган маблағларни иловага асосан ҳудудий бюджет маблағларини тақсимловчиларига иш ҳақи ва ягона ижтимоий солиқ учун йўналтирилсин.

2. Жомбой тумани иқтисодиёт ва молия бўлими (С.Саломов) Жомбой тумани маҳаллий бюджетининг 2025 йилги харажатлари режаларига тегишли ўзгартириш киритсин.

3. Мазкур қарор бажарилишини назорат қилиш халқ депутатлари Жомбой тумани Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (У.Маматов) зиммасига юклатилсин.

4. Ушбу қарор қабул қилинган кундан кучга киради.