LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Vazirlar Mahkamasi qayd etadiki, kartoshkachilikni rivojlantirishning ahvoli respublika aholisini oziq-ovqat bilan ta’minlash vazifalariga javob bermaydi. Har yili respublika tashqarisidan ko‘p miqdorda oziq-ovqat kartoshkasi va urug‘lik kartoshka xarid qilish uchun ko‘p miqdorda moliyaviy, shu jumladan, valyuta mablag‘larini sarflash davom etmoqda.
Shu bilan birga ilg‘or jamoalarda va fermer xo‘jaliklarda kartoshka yetishtirish tajribasi shuni ko‘rsatadiki, O‘zbekiston Respublikasi aholisini o‘zimizda yetishtirilgan kartoshka bilan ta’minlash uchun barcha shart-sharoitlar mavjuddir. Bu Gollandiya seleksiyasining navli urug‘laridan va Gollandiya texnologiyasi bo‘yicha kartoshka yetishtirishning kompleks modullaridan foydalanish bo‘yicha eksperiment natijalari bilan tasdiqlanmoqda.
Yuqorida bayon qilinganlarga muvofiq va kartoshka yetishtirishni ko‘paytirish maqsadida Vazirlar Mahkamasi qaror qiladi:
1. O‘zbekiston Respublikasi Qishloq xo‘jaligi vazirligi, “O‘zmevasabzavotuzumsanoat” konserni, O‘zbekiston Qishloq xo‘jaligi fanlari akademiyasi bir oy muddatda respublikaning o‘zimizda yetishtirilgan oziq-ovqat kartoshkasi va urug‘lik kartoshkaga bo‘lgan ehtiyojini to‘liq ta’minlash uchun 2000-yilgacha bo‘lgan davrda kartoshka yetishtirishni ko‘paytirish chora-tadbirlari to‘g‘risidagi takliflarni ishlab chiqsinlar hamda “O‘zistiqbolstat” davlat qo‘mitasi bilan kelishgan holda ko‘rib chiqish uchun Vazirlar Mahkamasiga kiritsinlar va bunda quyidagilarni nazarda tutsinlar:
kartoshka ekish uchun ajratiladigan yer maydonlarining mahsuldorligini oshirish, urug‘lik materialni, shu jumladan, Gollandiyadan xarid qilinadigan urug‘lik materialni ko‘paytirish va undan maqsadli foydalanish;
kartoshka yetishtirish, uni yig‘ishtirib olish, navlarga ajratish va kalibrovka qilishni kompleks mexanizatsiyalash;
o‘simliklarni himoya qilishning biologik va kimyoviy vositalarini, mineral o‘g‘itlarni qo‘llashni takomillashtirish;
mamlakatimizning o‘zining elita navli kartoshkasini yetishtirish maqsadida seleksiya-urug‘chilik bazasini yaratish, ixtisoslashtirilgan urug‘chilik xo‘jaliklari tashkil etish.
2. 1992-1993-yillarda “O‘zmevasabzavotuzumsanoat” konserni tomonidan kartoshka yetishtirishni kompleks texnologiyasining 16 moduli sotib olinganligi hamda ular Andijon (4), Namangan (3), Samarqand (2), Toshkent (4), Farg‘ona (3) viloyatlari xo‘jaliklarida joylashtirilganligi ma’lumot uchun qabul qilinsin.
3. “O‘zmevasabzavotuzumsanoat” konserni 16 ta yangi kompleks modullar sotib olsin va 1994-yilda ilgari xarid qilingan 16 modulni ekish materiali, kimyoviy preparatlar va ehtiyot qismlar bilan butlasin, 1-ilovaga* muvofiq ularning respublika xo‘jaliklariga o‘z vaqtida berilishini ta’minlasin;
kartoshka yetishtirish kompleks texnologiyasining 16 ta yangi moduli olinishi va ilgari xarid qilingan 16 modulning ekish materiali, kimyoviy preparatlar va ehtiyot qismlar bilan butlanishi 2-ilovaga* muvofiq;
5. “AYES” firmasining ko‘rsatib o‘tilgan modullarni xarid qilishni mablag‘ bilan ta’minlashga oid quyidagi takliflariga rozilik bildirilsin:
kontrakt qiymatining 2091 ming AQSh dollari miqdoridagi 10 foizi avans tariqasida Respublika valyuta jamg‘armasidan to‘lanadi;
kontrakt qiymatining 18823 ming AQSh dollari miqdoridagi 90 foizi bankning 1543,4 ming AQSh dollari miqdoridagi yillik foydasi 8,2 foiz bo‘lgan kredit stavkasi undirilgan holda 1995-yil oxirigacha qaytarib berish sharti bilan “AYES” firmasi krediti hisobidan mablag‘ bilan ta’minlanadi. Kontrakt qiymatining 9411 ming AQSh dollari miqdoridagi 45 foiziga belgilangan tartibda O‘zbekiston Respublikasi Tashqi iqtisodiy faoliyat milliy bankining birinchi klassli Yevropa banki tomonidan tasdiqlangan kafolati beriladi. 9412 ming AQSh dollari miqdoridagi qolgan 45 foizga va 1543,4 ming AQSh dollari miqdoridagi bankning kredit stavkasini qoplashga (hammasi bo‘lib 10955,4 ming AQSh dollari) Hukumat kafolati beriladi.
5 kun muddatda “AYES” firmasi bilan kredit bitimi tuzsin va ko‘rsatib o‘tilgan kreditga respublika viloyatlari xo‘jaliklari ixtiyorida qoldiriladigan paxta tolasini sotishdan olingan valyuta tushumi hisobidan xizmat ko‘rsatishni tashkil etsin;
“O‘zmevasabzavotuzumsanoat” konserni “O‘zmevasabzavotim-peks” tashqi savdo firmasining “AYES” firmasi bilan kompleks modullar xarid qilishga tuzgan kontraktini belgilangan tartibda ro‘yxatdan o‘tkazsin.
7. “O‘zistiqbolstat” davlat qo‘mitasi O‘zbekiston Respublikasi Qishloq xo‘jaligi vazirligi va “O‘zmevasabzavotuzumsanoat” konserni bilan kelishgan holda kreditga xizmat ko‘rsatish va uni to‘lash uchun 4-ilovaga* muvofiq modullar yuboriladigan viloyatlar xo‘jaliklari ixtiyorida qoldiriladigan paxta tolasi hisobidan paxta tolasini markazlashtirilgan eksport qilish prognoziga 1994-yilda — 2,04 ming tonna paxta tolasini, 1995-yil prognoziga — 1994-yil hosilidan 14,74 ming tonna va 1995-yil hosilidan 4,34 ming tonna paxta tolasini qo‘shimcha ravishda kiritsin.
8. “O‘zmevasabzavotuzumsanoat” konserni “AYES” (Gollandiya) firmasi kreditiga xizmat ko‘rsatish va uni to‘lash uchun ajratiladigan paxta tolasi hajmlari milliy valyutada to‘lanishini hamda avans to‘lovi miqdoridagi summani Respublika valyuta jamg‘armasiga qaytarilishini ta’minlasin.
9. Toshkent viloyati hokimligi, “O‘zmevasabzavotuzumsanoat” konserni 5 kun muddatda kartoshkaning navli urug‘ligini yetishtirish bo‘yicha Gollandiya fermasini tashkil etish uchun 300 ga yerni uzoq muddatli ijaraga olishga “AYES” firmasi bilan Ohangaron tumanidagi “O‘zbekiston” jamoa xo‘jaligi o‘rtasida tuzilgan shartnomani belgilangan tartibda rasmiylashtirsinlar. “O‘zmevasabzavotuzumsanoat” konserni Gollandiya firmasi tomonidan yetishtirilgan kartoshkaning navli urug‘ini 5-ilovaga* muvofiq har yili sotib olishga “AYES” firmasi bilan kontrakt tuzsin.
Kartoshkaning xarid qilingan urug‘ligi Gollandiya texnologiyasi bo‘yicha kartoshka yetishtirishning kompleks modulini joriy etayotgan xo‘jaliklarga keyinchalik ko‘paytirish uchun berilsin.
10. “O‘zmevasabzavotuzumsanoat” konserni, O‘zbekiston Respublikasi Qishloq xo‘jaligi vazirligi “EAS” firmasi bilan birgalikda shu yil iyul oyida qishloq xo‘jaligi organlari va korxonalarning rahbarlarini, olimlarni taklif etgan holda kartoshka va sabzavot ekinlari yetishtirishning Gollandiya texnologiyasini joriy etish masalalari bo‘yicha seminar o‘tkazsinlar.
11. O‘zbekiston Respublikasi Prokuraturasi, Ichki ishlar vazirligi Gollandiyadan xarid qilinadigan kartoshkaning Navli urug‘lari va kompleks modullar saqlanishi, ulardan maqsadli foydalanilishi ustidan nazoratni kuchaytirsinlar.
12. Ommaviy axborot vositalari ilg‘or xo‘jaliklarning Gollandiya texnologiyasi bo‘yicha kartoshka yetishtirishga doir yutuqlarini keng yoritsinlar.
13. “O‘zmevasabzavotuzumsanoat” konserni, O‘zbekiston Respublikasi Qishloq xo‘jaligi vazirligi O‘zbekiston Respublikasi Vazirlar Mahkamasiga:
Gollandiyadan kartoshkaning navli urug‘ligini va kompleks modullarni keltirish natijalari to‘g‘risida 1994-yil 25-iyulgacha;
Oldingi tahrirga qarang.
(14-band O‘zbekiston Respublikasi Vazirlar Mahkamasining 1997-yil 20-maydagi 248-sonli qaroriga muvofiq o‘z kuchini yo‘qotdi)