«Ўзбекистон Республикасининг Давлат бюджети тўғрисида»ги 2024 йил 24 декабрдаги ЎРҚ-1011-сон Қонунига, Ўзбекистон Республикаси Бюджет кодексининг 148-, 150-моддаларига мувофиқ Балиқчи тумани маҳаллий бюджетининг харажатлар қисмига ўзгартиришлар киритиш мақсадга мувофиқ деб белгиланмоқда.

Ушбу қарор лойиҳаси «Норматив-ҳуқуқий ҳужжатлар тўғрисида»ги Қонуннинг 24-моддасига мувофиқ норматив-ҳуқуқий ҳужжатлар лойиҳалари муҳокамаси порталида (регулатион.гов.уз) жамоатчилик муҳокамасини ўтказиш учун қонунчиликда белгиланган тартибда жойлаштирилади.

Ўзбекистон Республикаси «Маҳаллий давлат ҳокимияти тўғрисида»ги Қонунининг 6- ва 24–моддаларига асосан Ҳалқ депутатлари туман Кенгаши қарор қилади:

1. Балиқчи тумани иқтисодиёт ва молия бўлими бошлиғи Х. Мухаммаджоновнинг «Туман маҳаллий бюджети маблағларидан молиялаштирилувчи бюджет муассаса ва ташкилотларининг 1-2-4-гуруҳ харажатлар режасига 2025 йил 1-чорак давомида киритилган ўзгаришлар тўғрисидаги ҳисоботи маълумот ва ижро учун қабул қилинсин.

2. Туман маҳаллий бюджет маблағларидан молиялаштирилувчи бюджет муассаса ва ташкилотларининг 1-2-4-гуруҳ харажатлар режасига 2025 йил 1-чорак давомида ўзгаришлар киритиш тўғрисидаги реестри 1-иловага муофиқ тасдиқлансин.

3. Туман иқтисодиёт ва молия бўлими (Х. Муҳаммаджонов) Ўзбекистон Республикасининг «2024 йил учун Ўзбекистон Республикасининг Давлат бюджети тўғрисида»ги Қонуни ва Ўзбекистон Республикаси Бюджет кодекси талаблари асосида туман маҳаллий бюджетининг тасдиқланган параметрларига белгиланган тартибда тегишли ўзгартиришларни киритсин ҳам мақсадли сарфланишини назорат қилсин;

4. Туман ғазначилик ҳизмати (Д. Қосимов) Ўзбекистон Республикаси Бюджет кодекси талаблари асосида туман маҳаллий бюджетининг тасдиқланган параметрларига белгиланган тартибда киритилган ўзгартиришларга мувофиқ ажратилган маблағларни ўз муддатида ва мақсадли сарфланиши таъминласин;

5. Мазкур қарор ижросининг назорат туман ҳокимининг биринчи ўринбосари-туман иқтисодиёт ва молия бўлими бошлиғи (У. Абдувалиев) зиммасига юклатилсин.

6. Қарор ижросининг назорати Халқ депутатлари туман Кенгашининг маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари бўйича доимий комиссияси (О. Шералиев) зиммасига юклатилсин.

7. Ушбу қарор имзоланган кундан кучга киради.