Маълумки, Ўзбекистон Республикаси Президенти раҳбарлигида 2023 йил 21 ноябрь куни кенгайтирилган тарзда ўтказилган видеоселектор йиғилишининг 41-сонли баёни 20-банди ижроси юзасидан Ўзбекистон Республикаси Бош вазир томонидан 2023 йил 15 декабрдаги 03/4.3-253-сонли «Йўл харитаси» тасдиқланган.

Мазкур «Йўл харитаси» 11-бандида Андижон, Наманган, Фарғона, Жиззах, Сирдарё ва Тошкент вилоятлари туман ва шаҳарлари чегараларини белгилаш бўйича ҳужжатларни тегишли ҳокимликларга тақдим этиш ва чегараларини тасдиқлаш чораларини кўриш белгиланган.

Шунга кўра, дастлаб Андижон вилоятининг 16 та туман ва шаҳарлари комиссиялари томонидан чегара чизиғини белгилаш, ўзгартириш бўйича асослантирилган таклифлар кўриб чиқилиб, қўшни туман (шаҳар) лар билан келишилган.

«Ўзбекистон Республикасининг Маъмурий-ҳудудий тузилиш тўғрисида»ги Ўзбекистон Республикаси Қонунининг 10-моддасида Халқ депутатлари вилоятлар, Тошкент шаҳар, туманлар ва шаҳарлар Кенгашлари ўз ваколатлари доирасида маъмурий-ҳудудий тузилиш масалаларига доир қарорлар қабул қилиши, халқ депутатлари вилоятлар, Тошкент шаҳар, туманлар ва шаҳарлар Кенгашлари томонидан маъмурий-ҳудудий тузилиш масалаларига доир қарорлар қабул қилиш тартиби уларнинг регламентларида белгиланиши кўрсатиб ўтилган.

Шунга кўра, ушбу келишилган чегара чизиғини тасдиқлаш бўйича халқ депутатлари туман ва шаҳарлар Кенгашларининг тегишли қарорлари қабул қилиниб, чегара чизиғининг тавсифлари ва хариталар тасдиқланган.

Хусусан, Халқ депутатлари Асака туман Кенгашининг 2024 йил 24 декабрдаги VI-2-012-1-17-K/24-сонли, Булоқбоши туман Кенгашининг 2024 йил 25 декабрдаги VI-3-014-1-20-K/24-сонли, Қўрғонтепа туман Кенгашининг 2024 йил 8 октябрдаги VI-71-79-1-23-K/24-сонли, Андижон туман Кенгашининг 2025 йил 11 мартдаги VI-4-42-1-16-K/25-сонли, Балиқчи туман Кенгашининг 2024 йил 26 сентябрдаги VI-49-87-1-18-K/24-сонли, Бўстон туман Кенгашининг 2024 йил 17 сентябрдаги VI-67-92-1-19-K/24-сонли, Жалақудуқ туман Кенгашининг 2025 йил 4 мартдаги VI-5-31-1-21-K/25-сонли, Избоскан туман Кенгашининг 2024 йил 29 августдаги VI-54-80-1-22-K/24-сонли, Марҳамат туман Кенгашининг 2025 йил 25 январдаги VI-4-12-1-24-K/25-сонли, Олтинкўл туман Кенгашининг 2025 йил 1 апрелдаги VI-4-35-1-15-K/25-сонли, Пахтаобод туман Кенгашининг 2024 йил 24 августдаги VI-57-73-1-25-K/24-сонли, Улуғнор туман Кенгашининг 2024 йил 15 августдаги VI-60-93-1-26-K/24-сонли, Шаҳрихон туман Кенгашининг 2024 йил 12 сентябрдаги VI-44-67-1-28-K/24-сонли, Хўжаобод туман Кенгашининг 2025 йил 29 январдаги VI-3-5-1-27-K/25-сонли, Андижон шаҳар Кенгашининг 2025 йил 1 мартдаги VI-4-28-1-29-K/25-сонли, Хонобод шаҳар Кенгашининг 2025 йил 8 январдаги VII-2-1-1-30-K/25-сонли, қарорлари.

Халқ депутатлари туман ва шаҳарлар Кенгашлари раислари — туман ва шаҳарлар ҳокимлари томонидан тегишли ҳудудларни маъмурий-ҳудудий чегарасини белгилаш лойиҳа ишларини халқ депутатлари вилоят Кенгашида кўриб чиқилиши, Кенгашнинг тегишли қарори қабул қилиниши юзасидан илтимосномалар киритилган.

Ўзбекистон Республикаси Вазирлар Маҳкамасининг 2018 йил 23 апрелдаги «Маъмурий-ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш тартибини янада такомиллаштириш чора-тадбирлари тўғрисида»ги 299-сонли қарори 4-бандида «Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари «маъмурий-ҳудудий бирликлар чегараларини белгилаш ишлари якунлангандан сўнг бир ой муддатда заруратга кўра, қонун ҳужжатларида белгиланган тартибда маъмурий-ҳудудий бирликлар чегараларини белгилаш ёки уларга ўзгартириш киритиш бўйича Ўзбекистон Республикаси Вазирлар Маҳкамасига, Қорақалпоғистон Республикаси Жўқорғи Кенгесига ҳамда тегишли халқ депутатлари вилоят Кенгашларига таклифлар киритилишини таъминлаши кўрсатиб ўтилган.

Шунингдек, «Ўзбекистон Республикасининг Маъмурий-ҳудудий тузилиши тўғрисида»ги Ўзбекистон Республикаси Қонунининг 25-моддасида вилоят ёки туман бўйсунувидаги шаҳарларнинг, вилоятлар туманларининг, Тошкент шаҳри туманларининг ва вилоят бўйсунувидаги шаҳарлар туманларининг чегараларини ўзгартириш Ўзбекистон Республикаси Вазирлар Маҳкамасининг таклифига кўра Ўзбекистон Республикаси Олий Мажлиси томонидан тегишли вилоятлар ва Тошкент шаҳар ҳокимларининг илтимосномалари асосида амалга оширилиши, бунда тегишли вилоят ёки Тошкент шаҳар ҳокими Ўзбекистон Республикаси Вазирлар Маҳкамасига тақдим этадиган ҳужжатлар қаторига «тегишли вилоят ёки Тошкент шаҳар халқ депутатлари Кенгашининг шаҳар ёки туманнинг чегараларини ўзгартириш тўғрисидаги масалани кўриб чиқиш ҳақидаги қарори» ҳам кириши белгиланган.

Шунга кўра, чегара чизиғини белгилаш, ўзгартириш яъни жойларда (натура ҳолида) нуқталарни, чегара чизиқларини белгилаш ҳамда хариталарини яратиш ишлари Андижон вилояти туман ва шаҳарларининг маъмурий-ҳудудий чегараларини белгилаш ва ер ресурсларини хатловдан ўтказишни мувофиқлаштирувчи вилоят комиссиясининг (кейинги ўринларда — вилоят комиссияси) томонидан кўриб чиқилиб, Ўзбекистон Республикаси Вазирлар Маҳкамасининг 2018 йил 23 апрелдаги 299-сонли қарори билан тасдиқланган «Маъмурий-ҳудудий бирликлар чегараларини белгилаш тартиби тўғрисида»ги Низом талаблари асосида амалга оширилган деб топилган ҳамда тегишли хулоса тасдиқланган ҳамда кўриб чиқиш учун Халқ депутатлари вилоят Кенгашига киритилган.

«Ўзбекистон Республикасида Маъмурий-ҳудудий тузилиш тўғрисида»ги Ўзбекистон Республикаси Қонуни, Ўзбекистон Республикаси Вазирлар Маҳкамасининг 2018 йил 23 апрелдаги 299-сонли қарори, Ўзбекистон Республикаси Бош вазир томонидан тасдиқланган 2023 йил 15 декабрдаги 03/4.3-253-сонли «Йўл харитаси» ижросини таъминлаш мақсадида, «Маҳаллий давлат ҳокимияти тўғрисида»ги Ўзбекистон Республикаси Қонунининг 6- ва 24-моддаларига мувофиқ халқ депутатлари вилоят Кенгаши қарор қилади:

1. Ўзбекистон Республикаси Президенти раҳбарлигида 2023 йил 21 ноябрь куни кенгайтирилган тарзда ўтказилган видеоселектор йиғилишининг 41-сонли баёни ҳамда мазкур баён ижроси юзасида Ўзбекистон Республикаси Бош вазир томонидан тасдиқланган 2023 йил 15 декабрдаги 03/4.3-253-сонли «Йўл харитаси» ижро учун қабул қилинсин.

2. Андижон вилояти маъмурий-ҳудудий чегараларини белгилаш ва ер ресурсларини хатловдан ўтказишни мувофиқлаштирувчи вилоят комиссиясининг хулосаси маъқуллансин.

3. Халқ депутатлари туман ва шаҳарлар Кенгашлари раислари — туман ва шаҳарлар ҳокимлари томонидан тегишли ҳудудларни маъмурий-ҳудудий чегарасини белгилаш лойиҳа ишларини Халқ депутатлари вилоят Кенгашида кўриб чиқилиши, кенгашнинг тегишли қарори қабул қилиниши юзасидан киритилган илтимосномалари инобатга олинсин.

4. Туманлар ва шаҳарлар маъмурий-ҳудудий чегараларини белгилаш бўйича бажарилган ишларни якуний натижалари туманлар ва шаҳарларда тузилган тегишли комиссиялари томонидан кўриб чиқилиб, комиссияларнинг тегишли йиғилиш баёнлари билан тасдиқланганлиги маълумот учун қабул қилинсин.

5. Шунга кўра, Халқ депутатлари Асака туман Кенгашининг 2024 йил 24 декабрдаги VI-2-012-1-17-K/24-сонли, Булоқбоши туман Кенгашининг 2024 йил 25 декабрдаги VI-3-014-1-20-K/24-сонли, Қўрғонтепа туман Кенгашининг 2024 йил 8 октябрдаги VI-71-79-1-23-K/24-сонли, Андижон туман Кенгашининг 2025 йил 11 мартдаги VI-4-42-1-16-K/25-сонли, Балиқчи туман Кенгашининг 2024 йил 26 сентябрдаги VI-49-87-1-18-K/24-сонли, Бўстон туман Кенгашининг 2024 йил 17 сентябрдаги VI-67-92-1-19-K/24-сонли, Жалақудуқ туман Кенгашининг 2025 йил 4 мартдаги VI-5-31-1-21-K/25-сонли, Избоскан туман Кенгашининг 2024 йил 29 августдаги VI-54-80-1-22-K/24-сонли, Марҳамат туман Кенгашининг 2025 йил 25 январдаги VI-4-12-1-24-K/25-сонли, Олтинкўл туман Кенгашининг 2025 йил 1 апрелдаги VI-4-35-1-15-K/25-сонли, Пахтаобод туман Кенгашининг 2024 йил 24 августдаги VI-57-73-1-25-K/24-сонли, Улуғнор туман Кенгашининг 2024 йил 15 августдаги VI-60-93-1-26-K/24-сонли, Шаҳрихон туман Кенгашининг 2024 йил 12 сентябрдаги VI-44-67-1-28-K/24-сонли, Хўжаобод туман Кенгашининг 2025 йил 29 январдаги VI-3-5-1-27-K/25-сонли, Андижон шаҳар Кенгашининг 2025 йил 1 мартдаги VI-4-28-1-29-K/25-сонли, Хонобод шаҳар Кенгашининг 2025 йил 8 январдаги VII-2-1-1-30-K/25-сонли, қарорлари янги таҳрирда қабул қилинганлиги инобатга олинсин ва маъқуллансин.

6. Кадастр агентлигининг вилоят бошқармаси (Ф. Бердиқулов), Давлат Кадастрлар палатасининг вилоят бошқармаси (Д. Акбаров), Республика аэрогеодезия маркази Фарғона ҳудудлараро бўлинмаси (Д. Темиров) ҳамда туман ва шаҳарлар ҳокимларига туман ва шаҳарлар чегара чизиғини белгилаш, ўзгартириш яъни жойларда (натура ҳолида) нуқталарни, чегара чизиқларини белгилаш ҳамда хариталарини яратиш ишлари Ўзбекистон Республикаси Вазирлар Маҳкамасининг 2018 йил 23 апрелдаги 299-сонли қарорининг 1-иловаси билан тасдиқланган «Маъмурий-ҳудудий бирликлар чегараларини белгилаш тартиби тўғрисида»ги Низом талаблари асосида амалга оширилганлиги юзасидан шахсий жавобгарлик юклатилсин.

7. Вилоят ҳокимининг ўринбосарлари (Д. Каримов) бир ҳафта муддатда Ўзбекистон Республикасининг «Ўзбекистон Республикасининг маъмурий-ҳудудий тузилиши тўғрисида»ги Қонуни 25-моддаси талабларидан келиб чиқиб, Андижон вилоятининг 16 та туман ва шаҳарлари чегара чизиғини белгилаш, ўзгартириш бўйича Ўзбекистон Республикаси Вазирлар Маҳкамасига ўрнатилган тартибда илтимоснома киритсин.

Бунда, Ўзбекистон Республикаси Вазирлар Маҳкамасига қуйидаги ҳужжатларни тақдим этилади:

чегараларни ўзгартириш зарурлиги ва мақсадга мувофиқлиги асослантирилган илтимоснома;

Халқ депутатлари вилоят Кенгашининг чегараларни ўзгартириш тўғрисидаги масалани кўриб чиқиш ҳақидаги қарори;

вилоят ҳокимлиги томонидан ташкил этилган комиссия хулосаси;

чегаралари ўзгариши муносабати билан чегаралари ўзгартирилаётган маъмурий-ҳудудий чегараларининг картографик чизмаси ҳамда шаҳар ёки туман чегаралари чизиғининг тавсифи;

чегараларини ўзгартириш билан боғлиқ тегишли ҳисоб-китоблар ва харажатларни молиялаштириш манбалари.

8. Шу муносабат билан, Халқ депутатлари вилоят Кенгашининг 2020 йил 23 ноябрдаги 66/15-6-сонли қарори ўз кучини йўқотган деб ҳисоблансин.

9. Мазкур Кенгаш қарори ижросини назорат қилиш Халқ депутатлари вилоят Кенгашининг «Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича» доимий комиссияси (Х. Оманов) ҳамда вилоят ҳокимининг ўринбосари Д. Каримов зиммасига юклансин.

10. Ушбу Қарор қабул қилинган кундан эътиборан кучга киради.