Ўзбекистон Республикаси Бюджет кодексининг 90-94-моддаларига мувофиқ, Қашқадарё вилоят ҳокимининг 2025 йил 8 августдаги «Қашқадарё вилояти маҳаллий бюджетининг 2026 йил учун бюджет сўрови ва 2027-2028 йиллар учун бюджет мўлжалларини тузиш ва уни Ўзбекистон Республикаси Иқтисодиёт ва молия вазирлигига тақдим этиш чора-тадбирлари ҳақида»ги 388-4-0-Қ/25-сонли қарорига асосан Косон тумани маҳаллий бюджетининг 2026 йил учун бюджет сўрови ва 2027-2028 йиллар учун бюджет мўлжалларини тузиш ва уни вилоят Иқтисодиёт ва молия бош бошқармасига тақдим этилишини таъминлаш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонуннинг 6-моддасига асосан қарор қиламан:

1. Қашқадарё вилояти ҳокимининг 2025 йил 8 августдаги «Қашқадарё вилояти маҳаллий бюджетининг 2026 йил учун бюджет сўрови ва 2027-2028 йиллар учун бюджет мўлжалларини тузиш ва уни Ўзбекистон Республикаси Иқтисодиёт ва молия вазирлигига тақдим этиш чора-тадбирлари ҳақида»ги 388-4-0-Қ/25-сонли қарори маълумот ва ижро учун қабул қилинсин.

2. Косон тумани маҳаллий бюджетининг 2026 йил учун бюджет сўрови ва 2027-2028 йиллар учун бюджет мўлжалларини тузиш ва уни вилоят иқтисодиёт ва молия бош бошқармасига тақдим этиш ишларини мувофиқлаштириш бўйича туман ишчи гуруҳи (кейинги ўринларда – Ишчи гуруҳи) таркиби 1-иловага мувофиқ тасдиқлансин.

3. Ўзбекистон Республикаси Бюджет кодексининг 902-моддасига мувофиқ, вилоят Иқтисодиёт ва молия бош бошқармасининг хати билан Шаҳрисабз тумани маҳаллий бюджетининг 2026-2028 йиллардаги даромадлари, харажатлари ва трансфертларининг чекланган миқдори маълумот учун қабул қилинсин.

4. Туман иқтисодиёт ва молия бўлими (А. Артиков): белгиланган муддатларда туман маҳаллий бюджетидан молиялаштириладиган бюджет маблағларини тақсимловчиларга — келгуси молия йили учун ажратиладиган бюджет маблағларининг чекланган миқдорларини етказилишини таъминласин.

5. Туман маҳаллий бюджетидан маблағ олувчи бюджет маблағларини тақсимловчилар:

Ўзбекистон Республикаси Президенти ва Вазирлар Маҳкамасининг қарор ва фармойишлари ҳамда тегишли Давлат дастурларида кўзда тутилган чора-тадбирлари ижросини 2026 йил учун бюджет сўрови ва 2027-2028 йиллар бюджет мўлжалларини тузиш давомида ҳисобга олишни;

2026 йил учун бюджет сўрови ва 2027-2028 йиллар учун бюджет мўлжалларини белгиланган муддатларда туман иқтисодиёт ва молия бўлимига тақдим этилишини таъминласин.

6. Ишчи гуруҳи раҳбари (Ҳ. Назаров):

туман маҳаллий бюджетининг 2026 йил учун бюджет сўрови ва 2027-2028 йиллар учун бюджет мўлжалларини тузишда:

харажатлар бўйича — туман бюджетидан молиялаштириладиган бюджет маблағлари тақсимловчиларнинг бюджет сўровлари ҳамда туман бюджетидан молиялаштириладиган айрим тадбирлар учун харажатларнинг прогноз қилинаётган ҳажми асосида ишлаб чиқилишини;

туман маҳаллий бюджети лойиҳасини тақчиллик билан ишлаб чиқишга йўл қўйилмаслигини назарда тутсин.

7. Туман солиқ инспекцияси бошлиғи (А. Юсупов):

2026 йил учун туман бюджет даромадлари прогнозини ишлаб чиқишда:

Давлат бюджетига киритиладиган даромадлар прогнозига доир таклифлар ҳамда солиқ органлари ва ҳокимлик бўлинмалари томонидан маъмурий-ҳудудий бирлик иқтисодиётини ривожлантиришнинг макроиқтисодий кўрсаткичлари прогнозига мувофиқ тақдим этиладиган бошқа ахборот асосида солиқ турлари кесимида ишлаб чиқиб, туман ҳокимлигига тақдим этилишини таъминласин.

8. Туман иқтисодиёт ва молия бўлими (А. Артиков) Косон туман маҳаллий бюджетининг келгуси молия йили учун бюджет сўровлари лойиҳаларини белгиланган муддатларда вилоят иқтисодиёт ва молия бош бошқармасига тақдим этилишини таъминласин.

9. Мазкур қарор ижросини назорат қилиш туман ҳокимининг биринчи ўринбосари Ҳ. Назаров зиммасига юклатилсин.