Ўзбекистон Республикаси Президентининг 2022 йил 4 апрелдаги «Автомобиль йўлларида инсон хавфсизлигини ишончли таъминлаш ва ўлим ҳолатларини кескин камайтириш чора-тадбирлари тўғрисида»ги ПҚ-190-сонли қарори талаблари асосида автомобиль йўлларида пиёдалар билан, шунингдек, ўлим билан боғлиқ йўл-транспорт ҳодисаларининг содир этилишининг олдини олиш юзасидан бир қатор тадбирлар амалга оширилишига қарамасдан ҳамон йўлларда турли тоифадаги йўл-транспорти ҳодисалар содир этилмоқда.

Туманимиз ҳудудида ва марказидаги кўчаларда автомототранспорт воситалари ҳаракати кўплиги, уларнинг тезлиги кескин ошиб кетаётганлиги, зарур жойларда йўл белгиларининг ўрнатилмаганликлари оқибатида кўплаб ЙТҲ лар содир бўлмоқда.

Бугунги кунда туманимизда транспорт воситаларининг сони кун сайин ортиб бориши ҳамда замон талаблари асосида қурилаётган ва таъмирланаётган автомобиль йўллари, тумандаги мавжуд кўча-йўл тармоқларида йўл ҳаракатини бошқариш тизимларининг самарали ишлашини таъминлаш, йўл ҳаракатини тартибга солувчи замонавий техник воситаларини жорий этишни тақозо этмоқда.

Ўзбекистон Республикаси Президентининг 2022 йил 4 апрелдаги «Автомобиль йўлларида инсон хавфсизлигини ишончли таъминлаш ва ўлим ҳолатларини кескин камайтириш чора-тадбирлари тўғрисида»ги ПҚ-190-сонли қарори ҳамда Ўзбекистон Республикаси «Маҳаллий давлат ҳокимияти тўғрисида»ги Қонунининг 6- ва 21¹-моддаларига асосан қарор қиламан:

1. Халқ депутатлари Зарбдор туман Кенгашининг 2025 йил 13 августдаги 2-07/52-сонли, Зарбдор туман йўллардан фойдаланиш давлат муассасаси директори С.Мамаюсуповнинг 2025 йил 20 июндаги 76-сонли хатлари ҳамда туман Ички ишлар бўлими бошлиғи Э.Ахмедовнинг 2025 йил 16 июндаги 38/1188-сонли тақдимномаси маълумот учун қабул қилинсин.

2. Зарбдор тумани Шарқ юлдузи МФЙ ҳудудидан ўтувчи давлат аҳамиятидаги Д 058 «М39 автомобиль йўли (977 км.дан) Оқар агрохизмат маркази - Д 042 автомобиль йўли (4 км.га чиқиш)» автомобиль йўлининг 19 км.да жойлашган 31-умумтаълим мактаби олдига сунъий йўл нотекислиги ўрнатилишига рухсат берилсин.

3. Зарбдор туман йўллардан фойдаланиш давлат муассасаси (С. Мамаюсупов)га туман Ички ишлар бўлими Йўл ҳаракати хавфсизлиги бўлими (Б. Сапаров) билан биргаликда Зарбдор тумани Шарқ юлдузи МФЙ ҳудудидан ўтувчи давлат аҳамиятидаги Д 058 «М39 автомобиль йўли (977 км.дан) Оқар агрохизмат маркази — Д 042 автомобиль йўли (4 км.га чиқиш)» автомобиль йўлининг 19 км.да жойлашган 31-умумтаълим мактаби олдига белгиланган тартибда сунъий йўл нотекислигини ўрнатиш вазифаси юклатилсин.

4. Мазкур қарор ижросини назорат қилиш туман ҳокимининг ўринбосари А. Эржигитов ҳамда туман Ички ишлар бўлими бошлиғи (Э. Ахмедов)лар зиммаларига юклатилсин.