Ўзбекистон Республикаси Бюджет кодексининг 27-, 126-моддаларига мувофиқ, Ўзбекистон Республикаси «Маҳаллий давлат ҳокимияти тўғрисида»ги Қонунининг 6- ва 24–моддаларига асосан халқ депутатлари туман Кенгаши, қарор қилади:

1. Қўрғонтепа туман маҳаллий бюджетининг 2025 йил 2-чорак даромадлар режасини орттириб бажарилган қисми ҳисобидан шаклланган қўшимча маблағлар жами 2 млрд 299 млн. 660.0 минг сўм,шундан Ер участкаларига бўлганҳуқуқларини сотишдан тушган пул маблағлари ҳисобидан 99 млн 315.4 минг сўмни ташкил этганлиги маълумот учун қабул қилинсин.

2. Туман ҳокимлигининг «2025 йил 2-чорак якуни билан шаклланган қўшимча маблағларни мақсадли ва манзилли сарфланиши бўйича» таклифи мақуллансин.

3. Ўзбекистон Республикасининг Бюджет кодексининг 126-моддасига асосан туман маҳаллий бюджетининг 2025 йил 2-чорак даромадлар режасини орттириб бажарилган қисми ҳисобидан иловага мувофиқ маблағлар ажратилсин.

4. Туман иқтисодиёт ва молия бўлими (С. Юлдашев) ва ғазначилик хизмати бўлинмаси (И. Шарипов) билан биргаликда ушбу қарор иловасига мувофиқ ажратилган маблағларни белгиланган тартибда йўналтирилишини ҳамда молиялаштирилишини таъминласин.

5. Туман ҳокимлиги матбуот хизмати (М. Махмудов) мазкур қарорни матбуотда эълон қилсин ва туман ҳокимлигининг расмий веб-сайтига жойлаштирилсин.

6. Мазкур қарор ижросини назорат қилиш Халқ депутатлари туман Кенгашининг маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари бўйича доимий комиссияси раиси У. Мадаминов зиммасига юклатилсин.