Ўзбекистон Республикаси Бюджет кодексининг 27-28 ва 126 — 147-148-моддаларига асосан Бухоро шаҳар маҳаллий бюджетининг 2025 йил биринчи ярим йиллик даромадлари 144,1 млн. сўмни ташкил этди, маҳаллий бюджетдан 141,1 млн. сўм миқдорида харажатлар амалга оширилди, шундан 58,04 млрд. сўми ёки 41,1 фоизи ижтимоий харажатларга йўналтирилди. Бухоро шаҳар маҳаллий бюджетининг параметрларига 2025 йил биринчи ярим йиллик даромад ва харажатларга киритилган ўзгартиришлар тўғрисидаги ҳисоботлари ахборот учун қабул қилинсин.

Бундан ташқари, республика бюджетидан мақсадли тадбирларга қўшимча ажратилган маблағлар, тартибга солувчи бюджетлараро трансфертлар ҳамда вилоят маҳаллий бюджети параметрлари доирасида киритилган ўзгартиришлар ҳисобига белгиланган тадбирлар ўз вақтида молиялаштирилди. Ўзбекистон Республикаси Бюджет кодексининг 27-28 ва 126 — 147-148-моддаларига асосан шаҳар маҳаллий бюджетининг 2025 йил биринчи ярим йиллик ижроси ҳамда даромад ва харажатларга тегишли тартибда киритилган ўзгартиришлар тўғрисидаги ҳисоботлари муҳокама қилиб, Халқ депутатлари Бухоро шаҳар Кенгаши қарор қилади:

1. Бухоро шаҳар ҳокимининг биринчи ўринбосари — иқтисодиёт ва молия бўлими бошлиғи Х.Яхёевнинг Бухоро шаҳар маҳаллий бюджетининг 2025 йил биринчи ярим йиллик бюджет ижроси ҳамда даромад ва харажатларга тегишли тартибда киритилган ўзгартиришлар тўғрисидаги ҳисоботи 1-2-иловага мувофиқ тасдиқлансин.

2. Бухоро шаҳар ҳокимининг биринчи ўринбосари — иқтисодиёт ва молия бўлими бошлиғи Х.Яхёевга:

Ўзбекистон Республикаси Бюджет кодекси талаблари асосида шаҳар маҳаллий бюджетининг тасдиқланган параметрларига белгиланган тартибда тегишли ўзгартиришларни киритиш чораларини кўрсин.

3. Бухоро шаҳар иқтисодиёт ва молия бўлими ҳамда шаҳар давлат солиқ инспекцияси (А. Ғафуров)га:

шаҳар ҳокимлиги билан биргаликда даромадлар прогноз режа кўрсаткичларини сўзсиз ижросини таъминлаш чораларини кўриш. Бунда, прогноз режани ҳар бир солиқ тури кесимида тўлиқ бажарилишини таъминлаш;

бюджет даромадлари базасини кенгайтириш ҳамда маҳаллий бюджетга қўшимча солиқ тушириш манбаларини аниқлаш ва мавжуд имкониятлардан самарали фойдаланиш вазифаси юклатилсин.

4. Мазкур қарорнинг ижросини назорат қилиш халқ депутатлари шаҳар Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар бўйича доимий комиссияси (Б. Маъмуров) зиммасига юклатилсин.