Ўзбекистон Республикаси Бюджет Кодексининг 126-моддасига асосан, туман ҳокимлигининг Ўзбекистон Республикаси Президентининг ва Ўзбекистон Республикаси Вазирлар Маҳкамасининг Қарорлари, Фармонлари ҳамда Ўзбекистон Республикаси Президентининг ҳудудларга ташрифи давомида берган топшириқлари ижросини таъминлаш, туманни ижтимоий-иқтисодий ривожлантириш ҳамда кечиктириб бўлмайдиган бошқа тадбирларга туман маҳаллий бюджетининг 2025 йил 2-чорак якуни бўйича даромадлар режасининг ортиғи билан бажарилган қисми ҳисобидан маблағлар ажратиш тўғрисидаги таклифларини кўриб чиқиб, халқ депутатлари туман Кенгаши депутатлари томонидан билдирилган таклифлар, фикр ва мулоҳазаларни инобатга олиб, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6 ва 24-моддаларига асосан Халқ депутатлари Яккабоғ туман Кенгаши қарор қилади:

1. Туман ҳокимлигининг туман маҳаллий бюджетининг 2025 йил 2-чорак якуни бўйича даромадлар режасининг ортиғи билан бажарилган қисми ҳисобидан маблағлар ажратиш тўғрисидаги таклифлари маълумот учун қабул қилинсин.

2. Туман маҳаллий бюджетининг 2025 йил 2-чорак якуни бўйича даромадлар режасининг ортиғи билан бажарилган қисми ҳисобидан Ўзбекистон Республикаси Президентининг ва Ўзбекистон Республикаси Вазирлар Маҳкамасининг Қарорлари, Фармонлари ҳамда Ўзбекистон Республикаси Президентининг ҳудудларга ташрифи давомида берган топшириқлари ижросини таъминлаш, туманни ижтимоий-иқтисодий ривожлантириш шунингдек, кечиктириб бўлмайдиган бошқа тадбирларга ажратиладиган маблағлар 1-иловага мувофиқ маъқуллансин.

3. Туман ҳокимининг биринчи ўринбосари (А. Латипов) ҳамда туман Иқтисодиёт ва молия бўлими бошлиғининг биринчи ўринбосари (Ш. Эшматов)лар;

белгиланган муддатларда мазкур қарорнинг иловасига мувофиқ кўзда тутилган тадбирларни ўз вақтида бажарилишини таъминлаш мақсадида тегишлилиги бўйича маблағларни молиялаштириш чораларини кўриш,

Ўзбекистон Республикасининг «2025 йил учун Ўзбекистон Республикасининг Давлат бюджети тўғрисида»ги Қонуни ва Ўзбекистон Республикаси Бюджет Кодекси талабларига асосан туман маҳаллий бюджетининг харажатлар қисмига белгиланган тартибда тегишли ўзгартиришлар киритиш,

ажратилган мақсадли маблағларни ўз вақтида ва самарали ишлатилиши юзасидан молиявий ҳисоботлар асосида тизимли ўрганишлар ўтказиш, ўтказилган ўрганишлар натижаларига кўра, ишлатилмасдан қолган ва иқтисод қилинган маблағларни туман маҳаллий бюджетига қайтариш чораларини кўриш вазифалари юклатилсин.

4. Туман ҳокимлиги, тегишли ташкилот раҳбарлари ва масъул ходимларига, мазкур қарорнинг иловасига мувофиқ кўзда тутилган маблағлардан ўз вақтида белгиланган тартиблар асосида мақсадга мувофиқ фойдалансинлар.

5. Туман Ғазначилик хизмати бўлими бошлиғи (Ж.Ражабов) ажратиладиган маблағлар бўйича шартномаларни ўз вақтида рўйхатдан ўтказиш ва харажатларни белгиланган тартибда амалга оширилишини таъминласин.

6. Мазкур қарор бажарилишини назорат қилиш халқ депутатлари Яккабоғ туман Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси А.Жўраэв ҳамда туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари-Иқтисодиёт ва молия бўлими бошлиғи А. Латиповлар зиммасига юклатилсин.

7. Мазкур қарор эълон қилинган кундан эътиборан кучга киради.