Ўзбекистон Республикаси Президентининг 2025 йил 25 июлдаги "Давлат органлари ва ташкилотларида ижро интизомини янада мустаҳкамлашнинг қўшимча чора- тадбирлари тўғрисида"ги ПФ-117-сонли фармони ҳамда Қашқадарё вилояти ҳокимининг 2025 йил 29 июлдаги 376-4-0-Q/25-сонли қарори ижросини таъминлаш мақсадида "Маҳаллий давлат ҳокимияти тўғрисида"ги Қонунининг 6 ва 211-моддаларига асосан қарор қиламан:

1. Ўзбекистон Республикаси Президентининг 2025 йил 25 июлдаги «Давлат органлари ва ташкилотларда ижро интизомини янада мустаҳкамлашнинг қўшимча чора-тадбирлари тўғрисида"ги ПФ-117-сонли фармони ҳамда Қашқадарё вилояти ҳокимининг 2025 йил 29 июлдаги 376-4-0-Q/25-сонли қарори раҳбарлик ва ижро учун қабул қилинсин.

2. Ўзбекистон Республикаси Президентининг мазкур қарори билан:

Норматив-ҳуқуқий ҳужжатлар ижросини тўлиқ ташкил этиш ва ижро сифатини баҳолашнинг янги тартибини жорий қилинганлиги;

Ўзбекистон Республикаси Президенти Администрацияси раҳбари фармойишлари (кадр, молиявий-хўжалик ва бошқа идоравий-ташкилий масалаларига оид фармойишлардан ташқари) ва топшириқлари ижросини «ижро.гов.уз» ижро интизоми идоралараро ягона электрон тизими орқали назорат қилиш амалиёти йўлга қўйилганлиги;

Ҳукуматнинг 2025 йил 1-октябрдан Вазирлар Маҳкамаси қарорлари ижроси бўйича назорат ва ҳисобдорликни ташкил этишни «ижро.гов.уз" тизими орқали амалга ошириш тўғрисидаги таклифи маъқулланганлиги;

Ижро интизомини таъминлаш жараёнларига замонавий ахборот-коммуникация технологияларини жорий қилиниши;

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар иловага мувофиқ тасдиқланганлиги маълумот ва ижро учун қабул қилинсин.

3. Туман ҳокимининг биринчи ўринбосари Ҳ. Назаров, туман ҳокимлиги рақамли иқтисодиётни жорий этиш бўйича лойиҳалар менежери О. Тилакмуродов, туман ҳокимлиги Ижро интизоми назорати бўйича бош мутахассиси Б. Ахмедов, туман ҳокимлиги тизимидаги ташкилотлар раҳбарлари билан биргаликда:

а) қонунлар, Ўзбекистон Республикаси Президентининг фармон, қарор, фармойиш ва топшириқлари ижросини назорат қилишнинг самарали механизмларини жорий қилсин;

б) ислоҳотлар натижадорлигини ўрганиш ва ижро интизомини мустаҳкамлаш ишларини сифатли ташкил этсин;

(в) туман ҳокимлиги, ҳокимлик тизимидаги ташкилотларда ижрони ташкил этишда биринчи раҳбарларнинг масъулиятини оширсин;

(г) Ҳукумат қарорлари ижросини ташкил этиш жараёнларини рақамлаштириш чораларини кўрсин;

(д) ижро интизомини назорат қилиш жараёнларига сунъий интеллект технологияларини жорий қилиш чораларини кўрсин.

4. Туман ҳокимлиги ва ҳокимлик тизимидаги ташкилотларнинг ижро интизомига масъул таркибий бўлинмаларининг асосий фаолият йўналишлари этиб қуйидагилар белгилансин:

(а) ижро интизомига риоя қилиниши устидан тизимли кунлик назорат ва мониторингни амалга ошириш;

б) ижро интизомида камчиликларга йўл қўйган ходимларга интизомий жазо қўллаш бўйича биринчи раҳбарга таклифлар киритиш;

(в) ҳар ҳафта жума куни келгуси ҳафтада ва ҳар ойнинг 25-санасига қадар келгуси ойда бажарилиши лозим бўлган топшириқлар тўғрисида биринчи раҳбарни хабардор қилиш;

(г) ижро интизомида юзага келган муаммоларни бартараф этишда ходимларга амалий ёрдам кўрсатиш, ходимлар учун тизимли равишда ўқув семинарлар ҳамда машғулотларни ташкил этиш.

Белгилансинки, ижро интизомига масъул таркибий бўлинмалар ходимларига функционал мажбурияти билан боғлиқ бўлмаган вазифалар юклатилишига йўл қўйилмайди.

5. Қонунчилик ҳужжатлари ва топшириқлар ижросини таъминлашда жамоатчилик назоратини ўрнатиш мақсадида туман ҳокимлиги матбуот котиби Д.Набиев, Ижро интизоми назорати бўйича бош мутахассиси Б.Ахмедов, туман ҳокимлиги тизимидаги ташкилотлар билан биргаликда 2025 йил 1-октябрдан бошлаб:

а) ижро интизоми тўғрисидаги тегишли маълумотларни туман ҳокимлигининг веб-саҳифасига жойлаштириб, ҳар ойда маълумотларни янгилаб бориш амалиёти йўлга қўйилсин;

б) ҳар чоракда қонунлар, Ўзбекистон Республикаси Президенти ва Ҳукумат ҳужжатлари ижроси ҳолати бўйича кенг жамоатчиликка ҳисобот бериш тартиби жорий қилинсин.

2. Туман ҳокимлиги ташкилий-кадрлар гуруҳи раҳбари Ж. Суюнов, туман ҳокимлиги ва ҳокимликнинг тизим ташкилотларининг ижро интизомига масъул тузилмаси ходимларининг Ҳисоб палатаси, Вазирлар Маҳкамаси ҳамда Адлия вазирлигида режа-жадвал асосида ҳар уч йилда бир маротаба малакасини ошириш амалиёти йўлга қўйсин.

3. Мазкур қарор ижросини назорат қилиш туман ҳокимининг биринчи ўринбосари Ҳ. Назаров зиммасига юклатилсин.