Ўзбекистон Республикаси Вазирлар Маҳкамасининг 2017 йил 15 мартдаги 140-сонли қарори билан тасдиқланган «Умумий ўрта таълим тўғрисида»ги Низомининг 39-банди бўйича тумандаги мактаб ёшидаги болаларни умумий ўрта таълимга қамраб олиш учун умумий ўрта таълим муассасаларининг микроҳудудларини аниқ белгилаб олиш мақсадида туман Мактабгача ва мактаб таълими бўлими бошлиғининг 2025 йил 30 июндаги 656-сонли хатини инобатга олиб, Ўзбекистон Республикасининг «Таълим тўғрисида»ги Қонуни 27-моддаси, «Маҳаллий давлат ҳокимияти тўғрисида»ги Қонуни 6-моддасига асосан қарор қиламан:

1. Туман Мактабгача ва мактаб таълими бўлими бошлиғининг 2025 йил 30 июндаги 656-сонли хати инобатга олинсин.

2. Китоб туманида мактаб ёшидаги болаларни умумий ўрта таълимга тўлиқ қамраб олиш бўйича умумий ўрта таълим муассасаларига бириктирилган ҳудудлар (микроҳудуд) рўйхати иловага асосан тасдиқлансин.

3. Туман ҳокимининг ўринбосари О. Шаропов, туман Мактабгача ва мактаб таълими бўлими бошлиғи М. Жониев, барча умумий ўрта таълим муассасалари раҳбарларига мактаб ёшидаги болаларни умумий ўрта таълимга тўлиқ қамраб олиш, дарсларга қатнашиши ҳолати юзасидан мониторинг олиб бориш ва аниқланган муаммоларни бартараф этиш бўйича зарур чораларни кўриш топширилсин.

4. Умумий ўрта таълим муассасалари директорлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида ўқишга жалб қилиш учун масъул ҳисоблансин.

5. Мазкур қарор қабул қилиниши муносабати билан туман ҳокимининг 2024 йил 21 июндаги 184-4-62-Q/24-сонли қарори ўз кучини юқотган, деб ҳисоблансин.

6. Қабул қилинаётган мазкур қарор "э-қарор.гов.уз" электрон тизими орқали электрон рўйхатдан ўтган кундан бошлаб ижрочиларга етиб бориши инобатга олинсин.

7. Ушбу қарорнинг бажарилишини назорат қилиш туман ҳокимининг ўринбосари О. Шаропов зиммасига юклатилсин.