Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддаси, «Таълим тўғрисида»ги Қонунининг 27-моддаси, Ўзбекистон Республикаси Вазирлар Маҳкамасининг 2017 йил 15 мартдаги 140-сонли қарори билан тасдиқланган «Умумий ўрта таълим тўғрисида»ги Низомнинг 39-бандига асосан туманда мактаб ёшидаги болаларни умумий ўрта таълимга қамраб олиш жараёнида умумий ўрта таълим муассасаларига бириктирилган ҳудудлар (микроҳудуд)ни белгилаш мақсадида, қарор қиламан:

1. Туманда мактаб ёшидаги болаларни умумий ўрта таълимга тўлиқ қамраб олиш бўйича умумий ўрта таълим муассасаларига бириктирилган ҳудудлар (микроҳудуд) рўйхати 1-иловага асосан тасдиқлансин.

2. Туман мактабгача ва мактаб таълими бўлими (Ш.Расулов), тумандаги умумий ўрта таълим муассасалари раҳбарлари зиммасига мактаб ёшидаги болаларни умумий ўрта таълимга тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш вазифаси топширилсин.

3. Белгилансинки, тумандаги умумий ўрта таълим муассаса раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумий ўрта таълим муассасасига ўқишга жалб қилиш учун масъул ҳисобланади.

4. Ўзбекистон маҳаллалар уюшмаси туман бўлими (Ф.Кенжаев), туман Ёшлар ишлари бўлими (Ў.Муҳаммадиев) ва барча маҳалла фуқаролар йиғини раисларига, мактаб ёшидаги болаларни умумий ўрта таълим муассасаларига жалб этиш жараёнида туман мактабгача ва мактаб таълими бўлими ҳамда умумий ўрта таълим муассасаларга амалий ёрдам бериш тавсия этилсин.

5. Мазкур қарор «Пахтачи» газетасида расмий эълон қилинсин ва ҳокимликнинг расмий веб-сайтига жойлаштирилсин.

6. Ушбу қарор қабул қилиниши муносабати билан Пахтачи тумани ҳокимининг 2025 йил 4 июндаги 140-7-102-Қ/25-сонли қарори қонунчилик ҳужжатларига асосан бекор қилинсин.

7. Мазкур қарор расмий эълон қилинган кундан эътиборан кучга киради.

8. Ушбу қарор ижросини назорат қилиш туман ҳокимининг ўринбосари А.Қулдошов зиммасига юклатилсин.