Ўзбекистон Республикасининг «Таълим тўғрисида»ги Қонуни ва Ўзбекистон Республикаси Вазирлар Маҳкамасининг 2017 йил 15 мартдаги 140-сонли қарори билан тасдиқланган «Умумий ўрта таълим тўғрисида»ги Низомнинг 5-боб 39, 41-бандларининг ижросини таъминлаш мақсадида тумандаги айрим маҳалла фуқаролар йиғинларининг номлари ўзгарганлиги, микроҳудудлар чегараларининг ўзгарганлигини ҳисобга олган ҳолда таълим муассасаларида «Мажбурий таълим» талабларининг бажарилишининг мониторингини талаб даражасида олиб бориш мақсадида туман мактабгача ва мактаб таълими бўлимининг 2025 йил 2 июндаги /7Б-1524-сонли хати ҳамда «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 21¹-моддаларига асосан қарор қиламан:

1. Туман мактабгача ва мактаб таълими бўлимининг 2025 йил 2 июндаги /7Б-1524-сонли хати маълумот ва асос учун қабул қилинсин.

2. Туман Мактабгача ва мактаб таълими бўлими тасарруфидаги умумтаълим мактаблари микроҳудудларига бириктирилган маҳалла фуқаролар йиғинларининг тақсимоти иловага мувофиқ тасдиқлансин.

3. Туман Мактабгача ва мактаб таълими бўлими (О.Жангиров)га барча таълим муассасалари раҳбарларини мазкурқарор билан таништириш вазифаси топширилсин.

4. Мазкур қарорнинг ижросини назорат қилиш туман ҳокимининг ўринбосари О.Саттаров зиммасига юклатилсин.