Ўзбекистон Республикаси Президентининг 2020 йил 29 сентябрдаги «Маиший ва қурилиш чиқиндилари билан боғлиқ ишларни бошқариш тизимини янада такомиллаштириш чора-тадбирлари тўғрисида»ги 4845-сонли қарори ижросини таъминлаш мақсадида ҳамда Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳузуридаги чиқиндиларни бошқариш ва циркуляр иқтисодиётни ривожлантириш агентлигининг 2025 йил 27 майдаги 03-17/1169-сонли, Қашқадарё вилояти «Қашқадарё эко транс» масъулияти чекланган жамиятининг 2025 йил 19 майдаги 134-сонли ва вилоят иқтисодиёт ва молия бош бошқармасининг 2025 йил 15 майдаги 01-20-10/05-38/1175-сонли хатлари, халқ депутатлари вилоят Кенгаши доимий комиссияларининг 2025 йил 26 июндаги 03-05-01-ДКҚБ/4-25-сонли қўшма баёни ҳамда Ўзбекистон экологик партияси вилоят Кенгаши депутатлик гуруҳи ва халқ депутатлари вилоят Кенгаши депутатларининг таклифларини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-, 16²- ва 24-моддаларига асосан халқ депутатлари вилоят Кенгаши қарор қилади:

1. Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги ҳузуридаги чиқиндиларни бошқариш ва циркуляр иқтисодиётни ривожлантириш агентлигининг 2025 йил 27 майдаги 03-17/1169-сонли, Қашқадарё вилояти «Қашқадарё эко транс» масъулияти чекланган жамиятининг 2025 йил 19 майдаги 134-сонли ва вилоят иқтисодиёт ва молия бош бошқармасининг 2025 йил 15 майдаги 01-20-10/05-38/1175-сонли хатлари маълумот учун қабул қилинсин.

2. Қарши шаҳри бўйича маиший чиқиндиларни тўплаш ва олиб чиқиб кетиш бўйича аҳолига 1 (бир) киши учун бир ойда 6600,0 (олти минг олти юз) сўм (ҚҚСсиз) ҳамда юридик шахслардан 1 куб/метр чиқинди учун 88264,0 (саксон саккиз минг икки юз олтмиш тўрт минг) сўм (ҚҚСсиз) этиб кўрсатилган нарх (тариф)лар маъқуллансин.

3. Халқ депутатлари вилоят Кенгаши депутатларининг таклифларини инобатга олиб, мазкур нархлар (тарифлар)га ўзгартириш киритиш тўғрисидаги масала жорий йилнинг учинчи чораги якуни билан қайта кўриб чиқилиши белгилансин.

4. Халқ депутатлари вилоят Кенгашининг 2024 йил 29 февралдаги VI-71-32-4-0-K/24-сонли қарори ўз кучини йўқотган ҳисоблансин.

5. Мазкур қарор оммавий ахборот воситаларида эълон қилингандан кейин ўн беш кун ўтгач кучга кириши белгилансин.

6. Ушбу қарор ижросини назорат қилиш халқ депутатлари вилоят Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси О.Равшанов ҳамда Аграр, сув хўжалиги ва экология масалалари бўйича доимий комиссияси раиси Н.Ҳалимов ва вилоят ҳокимининг ўринбосари М.Азизов зиммасига юклатилсин.