«Маҳаллий давлат ҳокимияти тўғрисида»ги Ўзбекистон Республикаси Қонунининг 6, 21¹-моддаларига «Таълим тўғрисида»ги Қонунининг 27-моддасига, Ўзбекистон Республикаси Вазирлар Маҳкамасининг 2017 йил 15 мартдаги 140 сонли қарори билан тасдиқланган «Умумий ўрта таълим тўғрисида»ги Низомнинг 39-бандига, туман Мактабгача ва мактаб бўлимининг 2025 йил 14 февралдаги 01-157 сонли хатига асосан туманда мактаб ёшидаги болаларни умумий ўрта таълимга қамраб олиш жараёнида умумтаълим муассасаларига бириктирилган ҳудудлар (микроҳудуд)ни аниқ белгилаб олиш мақсадида, қарор қиламан:

1. Туман Мактабгача ва мактаб бўлимининг 2025 йил 14 февралдаги 01-157 сонли хати маълумот ва асос учун қабул қилинсин.

2. Тўрақўрғон туманида мактаб ёшидаги болаларни умумий ўрта таълимга тўлиқ қамраб олиш бўйича умумтаълим муассасаларига бириктирилган ҳудудлар (микроҳудуд) рўйхати 1-иловага асосан тасдиқлансин.

3. Туман ҳокимлиги (И.Парпиев), туман Мактабгача ва мактаб таълими бўлими тумандаги умумтаълим муассасалари раҳбарлари зиммасига мактаб ёшидаги болаларни умумий ўрта таълимга тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш вазифаси топширилсин.

4. Белгилансинки, тумандаги умумтаълим муассаса раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисобланади.

5. Ўзбекистон маҳаллалар уйишмаси туман бўлинмаси (М.Аппоқов)га маҳалла фуқаролар йиғини раисларига мактаб ёшидаги болаларни умумтаълим муассасаларига жалб этиш жараёнида туман мактабгача ва мактаб таълими бўлими ҳамда умумтаълим муассасаларга амалий ёрдам бериш тавсия этилсин.

6. Туман ҳокимининг 2022 йил 30 декабрдаги 724-6-85-Қ/22 -сонли қарори ўз кучини йўқотган деб ҳисоблансин.

7. Туман ҳокимлигининг «Давр» газетаси (З.Кенжаева)га мазкур қарорнинг мазмун мохиятини оммавий ахборот воситалари ва ижтимоий тармоқларда кенг ёритиш тавсия этилсин.

8. Мазкур қарор расмий эълон қилинган кундан эътиборан кучга киради.

9. Мазкур қарорнинг бажарилишини назорат қилиш туман ҳокимининг ўринбосари И.Парпиев зиммасига юклатилсин.