Ўзбекистон Республикасининг «Таълим тўғрисида»ги Қонуни ва «Кадрлар тайёрлаш Миллий дастури» ҳамда Ўзбекистон Республикаси Вазирлар Маҳкамасининг 2017 йил 15 мартдаги 140 сонли қарори билан тасдиқланган «Умумий ўрта таълим тўғрисида»ги Низомнинг 5-боб, 41-банди ижросини таъминлаш, шунингдек, шаҳардаги умумий ўрта таълим мактабларининг микроҳудудлар чегараларини кенгайганлиги, шаҳардаги айрим маҳалла ва кўчаларнинг номлари ўзгарганлигини инобатга олиб, таълим муассасалари Мажбурий таълим талабларини бажарилиши мониторингини талаб даражасида олиб бориш учун шаҳардаги мавжуд маҳалла фуқаролар йиғинлари ҳудудларини, кўчаларини умумий ўрта таълим мактаблари микроҳудудларига қайта бириктириш мақсадида ҳамда шаҳар мактабгача ва мактаб таълим бўлимининг 2025 йил 19 майдаги 01-05-1645 сонли хатини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонуннинг 6-моддасига асосан қарор қиламан:

1. Самарқанд шаҳар Мактабгача ва мактаб таълими бўлимининг 2025 йил 19 майдаги 01-05-1645 сонли хати маълумот учун қабул қилинсин.

2. Шаҳардаги умумий ўрта таълим мактаблари микроҳудудларига бириктирилган маҳалла фуқаролар йиғинлари ва кўчаларини қайта тақсимлаш жадвали иловага мувофиқ тасдиқлансин.

3. Мазкур қарор билан шаҳардаги барча умумий ўрта таълим муассасаларини таништириш шаҳар Мактабгача ва мактаб таълими бўлими бошлиғи З.Нуриддиновга юклатилсин.

4. Самарқанд шаҳар Адлия бўлимининг 2025 йил 28 майдаги 1/30/15 сонли тақдимномасига асосан шаҳар ҳокимининг 2025 йил 27 майдаги Самарқанд шаҳардаги мавжуд маҳалла фуқаролар йиғинлари ва кўчаларини умумий ўрта таълим мактабларига микроҳудудлар кесимида бириктириш тўғрисидаги 170-7-107-Қ/25 сонли қарори бекор қилинсин.

5. Мазкур қарор ижросини назорат қилиш шаҳар ҳокими ўринбосари Ф.Нишанов зиммасига юклатилсин.