Кун тартибидаги масала депутатлар томонидан атрофлича миҳокама қилиниб, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6 ва 24-моддаларига мувофиқ, Халқ депутатлари шаҳар Кенгаши қарор қилади:

1. Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 2 июндаги 05-8871 сонли йиғилиш баёни қарори маълумот учун қабул қилинсин.

2. Гулистон шаҳар Аҳиллик маҳалласи ҳудудидаги «Буюк ипак йўли» кўчасини қайта номлаш тўғрисидаги таклифлари асосида Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 2 июндаги 05-8871 сонли йиғилиш баёни қарори билан таклиф этилган Матонат тор кўча номи тасдиқлансин.

3. Гулистон шаҳар ҳокими ўринбосари (Х.Эргашев), шахар ИИБ бошлиғи (Б.Санаев), шаҳар Адлия бўлими (С.Тогаев), шаҳар Статистика бўлими (Ш.Шодмонқулов), шаҳар Давлат солиқ инспекцияси (Ш.Рақибов), Давлат хизматлари маркази (Б.Абдукадиров), Маҳаллалар уюшмаси шаҳар бўлими (лавозим бўйича), Давлат кадастрлар палатаси шаҳар филиали (К.Исмоилов), шаҳар Ободонлаштириш бошқармаси (Р.Беркинов) ва тегишли мутасадди ташкилотларга:

мазкур қарор билан тасдиқланган Матонат тор кўчаси эътиборга олинсин ва ушбу қарордан келиб чиққан ҳолда тегишли идоравий ҳужжатларга ўзгартириш киритиш вазифаси юклатилсин.

4. Шаҳар ҳокими ўринбосари (Х.Эргашев) ва Маҳаллалар уюшмаси шаҳар бўлимига:

15 кун муддатда Аҳиллик маҳалласи ҳудудида номи ўзгарган Матонат тор кўчасига замонавий кўринишдаги (лотин ёзувида) пешлавҳа ва уй рақамларини ёзиб ўрнатиш ишларини ташкил этиш;

пешлавҳа ўрнатиш ва молиялаштириш юзасидан тегишли ташкилотларга кўрсатмалар бериш ҳамда назоратга олиш вазифалари юклансин;

бир ҳафта муддатда янги номланган Матонат тор кўчасининг номини аҳоли ўртасида кенг тарғиб этиш юзасидан тегишли чора-тадбирлар белгилансин.

5. Шаҳар ички ишлар бошқармаси (Б.Санаев)га:

Аҳиллик маҳалласи ҳудудидаги янги номланган Матонат тор кўчасида яшовчи фуқароларга янги фуқаролик паспортларини бериш ва уларни рўйҳатга қўйишда янги номлар билан ёзилишини назоратга олиш вазифаси юклансин.

6. Шаҳар ҳокимлиги бош юристконсульти (Н.Мусурмонқулов) мазкур қарорни электрон жамоатчилик муҳокамасига жойлаштирсин.

7. Шаҳар ҳокимлиги ахборот хизмати раҳбари-матбуот котиби (Ш.Юнусов):

Ҳудудлардаги янги номланган кўчаларнинг номларини аҳоли ўртасида кенг тарғиб қилиш мақсадида ижтимоий тармоқларга ва ҳокимликнинг веб-сайтига маълумотларни жойлаштирсин.

8. Мазкур қарор ижросини назорат қилиш Халқ депутатлари шаҳар Кенгашининг барча доимий комиссиялари зиммаларига юклатилсин.