Ўзбекистон Республикаси Президентининг «Сирдарё вилоятида ишбилорманлик муҳитини, инфратузилма ва аҳоли турмуш даражасини янада яхшилаш чора-тадбирлари тўғрисида» 2025 йил 6 мартдаги ПҚ-93 сон қарори ва Ўзбекистон Республикаси Бош вазири томонидан 2025 йил 17 апрелдаги 20/1-781 сон билан тасдиқланган «Назорат-режа»сининг ижросини таминлаш мақсатида мақсатида, Ўзбекистон Республикаси Вазирлар Маҳкамасининг 2018 йил 23 апрелдаги 299 сонли қарорининг 1-иловаси билан тасдиқланган «Маъмурий-ҳудудий бирликлари чегараларини белгилаш тартиби тўғрисида»ги Низомига асосан ҳамда Ўзбекистон Республикасининг «Маъмурий-ҳудудий тузилиши тўғрисида»ги қонунининг 10-моддаси ва «Маҳаллий давлат ҳокимияти тўғрисида»ги Қонунининг 6 ва 24-моддаларига асосан Халқ депутатлари туман Кенгаши қарор қилади:

1. Ўзбекистон Республикаси Президентининг «Сирдарё вилоятида ишбилорманлик муҳитини, инфратузилма ва аҳоли турмуш даражасини янада яхшилаш чора-тадбирлари тўғрисида» 2025 йил 6 мартдаги ПҚ-93 сон қарори ва Ўзбекистон Республикаси Бош вазири томонидан 2025 йил 17 апрелдаги 20/1-781 сон билан тасдиқланган «Назорат-режа»сининг ижросини таминлаш мақсадида, Ўзбекистон Республикаси Вазирлар Маҳкамасининг 2018 йил 23 апрелдаги 299 сонли қарорининг 1-иловаси билан тасдиқланган «Маъмурий-ҳудудий бирликлари чегараларини белгилаш тартиби тўғрисида»ги Низомига асосан Республика аэрогеодезия маркази томонидан бажарилган ишларнинг якуний натижаларини кўриб чиқиб маълумот учун қабул қилинсин.

2. Мирзаобод туманининг маъмурий-ҳудудий чегарасини белгилаш масалаларини кўриб чиқиш бўйича туман комиссиясининг 2025 йил 10 июндаги 01-ТЙБ/247-сонли йиғилиш баёни маъқуллансин.

3. Мирзаобод тумани билан чегарадош бўлган Гулистон шаҳри, Сайхунобод, Боёвут ва Мирзаобод туманлари ўртасидаги маъмурий-ҳудудий чегара чизиғини белгилаш бўйича чегара чизиғининг тавсифи 1-иловага ҳамда тайёрланган картографик чизмаси 2-иловага мувофиқ тасдиқлансин.

4. Мазкур қарорнинг ижросини назорат қилиш Халқ депутатлари туман Кенгашининг доимий комиссиялари ҳамда туман ҳокимининг барча ўринбосарлари зиммасига юклатилсин.

5. Ушбу қарорнинг тасдиғи Халқ депутатлари вилоят Кенгашидан сўралсин.