Ўзбекистон Республикасининг «Маъмурий-ҳудудий тузилиши тўғрисида»ги қонуни ва Вазирлар Маҳкамасининг 2018 йил 23 апрелдаги 299 сонли қарорининг 1-иловаси билан тасдиқланган «Маъмурий-ҳудудий бирликлар чегараларини белгилаш тартиби тўғрисида»ги Низом ижроси бўйича туман ҳокимининг 2025 йил 14 майдаги 101-10-135-Ф/25 сонли фармойишига асосан, Республика аэрогеодезия маркази томонидан Тошкент вилояти Бекобод туманидаги маъмурий-ҳудудий бирликлар чегараларини белгилаш ишларининг якунига кўра тумандаги шаҳарчалар ва қишлоқларннг умумий периметри 659576,74 метр, умумий майдони 74885,27 гектар эканлиги аниқланди

Зафар шаҳарчаси умумий периметри 8808,90 метр, умумий майдони 324,45 гектар;

Кўркам шаҳарчаси умумий периметри 10784,04 метр, умумий майдони 133,21 гектар;

Далварзин шаҳарчаси умумий периметри 9891,72 метр, умумий майдони 313,48 гектар;

Хос шаҳарчаси умумий периметри 10388,91 метр, умумий майдони 277,63 гектар;

Заҳириддин Муҳаммад Бобур шаҳарчаси умумий периметри 11724,90 метр,умумий майдони 245,01 гектар;

Баҳористон қишлоғи умумий периметри 75856,97 метр, умумий майдони 12377,90 гектар;

Чаноқ қишлоғи умумий периметри 65571,22 метр, умумий майдони 8118,35 гектар;

Янгиҳаёт қишлоғи умумий периметри 82407,35 метр, умумий майдони 10788,09 гектар;

Зарафшон қишлоғи умумий периметри 46910,77 метр, умумий майдони 6894,90 гектар;

Маданият қишлоғи умумий периметри 41405,45 метр, умумий майдони 4617,49 гектар;

Қиёт қишлоғи умумий периметри 42286,70 метр, умумий майдони 5057,06 гектар;

Янгиқўрғон қишлоғи умумий периметри 41546,33 метр, умумий майдони 3673,66 гектар;

Гулистон қишлоғи умумий периметри 49834,04 метр, умумий майдони 5938,72 гектар;

Жумабозор қишлоғи умумий периметри 31706,46 метр, умумий майдони 4104,77 гектар;

Далварзин қишлоғи умумий периметри 50899,62 метр, умумий майдони 4836,85 гектар;

Бекобод қишлоғи умумий периметри 39053,62 метр, умумий майдони 4930,09 гектар;

Меҳнатобод қишлоғи умумий периметри 40499,74 метр, умумий майдони 2253,61 гектар;

Бекобод тумани маъмурий-ҳудудий бирликлар чегараларини белгилашда шаҳарча ва қишлоқлар чегаралари ажратиб кўрсатилган ҳолда тавсифланди. Чегаралар чизиғининг ёзувли матни тавсифида жойнинг тегишли топографик элементлари билан боғланиб, чегара нуқталари ўртасидаги масофаси ва чегара чизиғининг қутб йўналишлари акс эттирилди. Чегара чизиғининг бурилиш нуқталари координаталари кўрсатилди.

Кун тартибидаги масала юзасидан Давлат кадастрлар палатасининг Бекобод тумани филиали раҳбарининг ҳисоботини тинглаб, тақдим этилган маълумотлар фикр ва мулоҳазаларини ҳамда таклиф ва тавсияларини атрофлича ўрганиб чиқиб, «Ўзбекистон Республикасининг Маъмурий-ҳудудий тузилиши тўғрисида»ги қонуннинг 10-моддаси ҳамда Ўзбекистон Республикаси «Маҳаллий давлат ҳокимияти тўғрисида»ги қонуннинг 6 ва 24-моддаларига асосан Халқ депутатлари Бекобод тумани Кенгаши қарор қилади:

1.Давлат кадастрлари палатаси Бекобод тумани филиали раҳбари С.Обидовнинг Бекобод туманидаги маъмурий-ҳудудий бирликлар чегараларини белгилаш тўғрисидаги ҳисоботи ҳамда Республика аэрогеодезия маркази томонидан Бекобод туманидаги шаҳарчалар ва қишлоқларнинг чегараларини белгилаш бўйича бажарилган ишларнинг якуний натижалари юзасидан туман ҳокимлигида тузилган ишчи гуруҳ таркибининг 2025 йил 23 майдаги `06/399 сонли йиғилиш баёни маълумот учун қабул қилинсин.

2.Бекобод туманидаги маъмурий-ҳудудий бирликлар чегараларини белгилаш ишлари якуний натижалари тўғрисидаги маълумот 1-иловага ҳамда маъмурий-ҳудудий бирликларнинг чегараларини белгилаш бўйича картографик чизмаси 2-иловага мувофиқ тасдиқлансин.

3.Туман ҳокимлиги матбуот хизмати (А.Мамадалиев) га мазкур қарорни туман ҳокимлигининг расмий веб-сайтида ёритилишини таъминласин.

4.Ушбу қарорнинг тасдиғи Халқ депутатлари Тошкент вилояти Кенгашидан сўралсин.

5.Мазкур қарорнинг ижросини назорат қилиш Халқ депутатлари туман Кенгашининг доимий комиссиялари ва туман ҳокимининг барча ўринбосарлари зиммаларига юклатилсин.